rKTs

e-texts navigator

Volume

Page

155a₁ snyan pa'i ngag rnams ni mngon du gyur te theg pa chen po gsang sngags kyi sgra ni di ri ri sgrogs par gyur to/ /dur khrod kyi bdag po ru tra nag po lta zhig rang gi 'khor gyis yongs su bor te rje btsan dam pa de la skyabs su dong / blo gros kun
155a₂ gyi yul dang bral/ /yi khos bsam pa chad cing thabs brlag nas kun nas 'khrugs te rnam par 'khams nas rang gi ru tra lnga yi sa bon mngon du phyung bas/ ru lu ru lu b+h+yo zhes brjod/ /mgo gsum lag drug rkang bzhi pa/ /khros pa'i tshul du gyur
155a₃ pa las/ /rje btsan rdo rje srin po des/ /kho na nyid du der mdzad de/ /byin brlabs yi ge mi phyed pa'i/ /dbang du 'khor ba'i sa bon lnga/ /byas nas ngag gi sprul pa phrogs/ /kho na ngag gi dbang po nyams/ /de nas dur khrod bdag po des/ /ra la ra la
155a₄ b+h+yo brjod pas/ /mgo dgu brgyad lag tu gyur/ /gang der rje btsan dam pa des/ /ngag gi sprul pa nges par bcad/ /yang der dur khrod bdag po des/ /hu lu hu lu b+h+yo brjod pas/ /mgo brgyad bcu drug lag tu gyur/ /dpal chen rje btsan srin po des/ /
155a₅ kho na ci 'dra der mdzad de/ /der yang ngag gi brjod pa bcad/ /gang der dur khrod bdag po des/ /ha la ha la b+h+yo brjod pas/ /nyi shu rtsa gcig mgo bo la/ /bzhi bcu rtsa gnyis lag tu gyur/ /yang du rdo rje srin po des/ /de ci kho nar der mdzad nas/ /gang
155a₆ 'dir smra ba'i dbang po bcad/ /yang der kho nar de nyid kyis/ /ra li ra li b+h+yo brjod pas/ /lus ni tshad med chen po la/ /nad kyi bskal pa tshub mar gtong / /gdug pa'i mtshon cha lus las 'gyed/ /rje btsan rdo rje srin po des/ /kho na de 'drar nyid mdzad
155a₇ de/ /ngag phrogs ngag gi sprul pa chad/ /dper na skyes bu gang la zhig /lce bcad khrag gis por ba bzhin/ /shin tu myos te 'gyel bar gyur/ /kun gyis mnga' bdag chen po des/ /sa ma ya hUM gsung bsgrags pas/ /sngon byung dus na 'brel pa yis/ /

_{iiif viewer powered by OpenSeadragon}

154b - 155b

Texts on this page