| e-texts navigator |
| བོད་ཡིག |
150a1 pa'i mdo chen po las bka' bgros dam pa bcad pa'i le'u zhes bya ste nyi shu lnga pa'o/ / //lang ka'i bdag po de'i tshe de'i dus na kho bo 'khor de nyid du 'dus par gyur pa zhig gis shes bzhin du gang yongs su sad pa'i phyir yang 'khor der
150a2 'khod par gyur pa'i byang chub sems dpa' bskul ba'i go cha blo gros thabs ldan zhes bya ba zhig la yongs su dris pa/ kye sems dpa' chen po chen po 'di rgyu ni gang las byung / rkyen ni ci las byung / 'bras bu ni cir smin/ rigs ni gar gtogs/
150a3 las skal gyi spyod pa ni ci spyod/ ma btul na ci gnod/ btul na ci zhig dgos/ de skad dris pa las/ bskul ba'i go cha chen po des smras pa/ sems dpa' chen po gsang ba pa'i bdag po chen po 'di gang legs pa'i rgyu rkyen las ni ma byung /
150a4 nyes pa 'ba' zhig gi rgyu rkyen las byung ste/ rgyu ni mun pa'i ri bo las byung ngo / /rkyen ni bka' bsgo log pa'i dka' thub drag po las byung ngo / /'bras bu ni sdug bsngal gyi ri bor smin no/ /rigs ni dmangs rigs 'khor ba gdol ba 'byung po
150a5 su gtogs so/ /las skal gyi spyod pa ni 'khor ba'i dngos po bzhi la 'jol nyag tu spyod do/ /'di ma btul na lus can gyi byang chub snying po ring du nub pa'i skyon du 'gyur ro/ /btul na ni kun gyi snying po 'od kyi dkyil 'khor mngon du nye bar 'char
150a6 bar 'gyur ro zhes smras pa dang / kho bos de la 'di skad ces smras so/ /e ma'o sems dpa' chen po 'o na dus 'di ni dus la bab pa'o/ /las 'di las kyi mchog go/ /gsang ba 'di ni gsang ba'i yang gsang ba dam pa'o/ /thul kun du rab
150a7 tu thul/ dus la bab pa'i skabs chen 'dir/ /las la bab pa'i sems can 'di/ /stongs la bab pa'i thugs rje yis/ /'du shes bsgyur ba thugs rje'i mchog /stong gsum ma lus ston pa bas/ /'bum gyi char yang mi phod do/ /zhes nye bar
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo