| e-texts navigator |
| བོད་ཡིག |
139b1 zhing brgyal bar byed pa/ lus phag gi spu can rtsub la yan lag sbrul du byung zhing sbrul gyis brgyan pa/ sen mo kang ka'i mchu sder du byung bas gang zin pa'i lus can sha rus myags par byed pa/ sngon goms pa'i mthus lus can tha dad gsad par
139b2 dmigs pa/ gang mo'i dbang po thams cad sdud par chags pa/ lus can mtha' dag hag sngags te zil gyis mnan nas 'dar yed yed 'jog pa/ 'jig rten gyi ma mo dang / 'byung po dang / gnod sbyin mthu can gyis phyag byas te gtso bor
139b3 mthong ba/ gdug pa can mtha' dag mngag gzhug pa dang / pho nya dang / g.yog dang / yang g.yog dang / bran dang / yang bran du 'khol zhing / kun la dbang sgyur ba'i dbang phyug chen por gyur to/ /sangs rgyas kun gyi dgongs pa 'dus pa'i mdo
139b4 chen po las gang yongs su ma dag pa'i skye rgyud bstan pa'i le'u ste nyi shu pa'o/ / //de nas drag po de nga rgyal gyi gtum skad 'byin te/ e ma'o thams cad kyi dbang phyug chen po ni bdag yin na/ bdag las gzhan pa'i dbang phyug
139b5 dang phru ma yod na de yang bdag gir 'gyur na/ bdag ni 'gran gyi zla med che btsan gcig pur byung ngo zhes nga rgyal gyi gdangs ngar sgrogs so/ /de'i tshe 'gro ba rnams kyi tshul 'di ltar byung ste/ shes blo thams cad rmugs shing bdud kyis byin gyis
139b6 brlabs pas thams cad kyang shin tu stong pa rgyun chad du gyur te mtha' zad pa sha dag go/ /bdag tu zhen par gyur te ther zug pa sha dag go/ /'gog pa 'jug par gyur te 'gags shing 'das pa sha dag go/ /gdug cing gtum par gyur
139b7 te 'o dod 'bod par ltung ba sha dag go/ /log par lta bar gyur te mnar med par ltung ba sha dag go/ /brkam zhing 'jungs par gyur te gshin rje'i 'jig rten du ltung ba sha dag go/ /shin tu g.yeng ba chen por gyur te mi khom pa'i gnas su
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo