| e-texts navigator |
| བོད་ཡིག |
137b1 spangs so/ /de nas thar pa de de bzhin gshegs pa'i gsung gi sgo grangs mang zhing rgya che bar gyur pas thams cad du ston pa dpag par dka' ba'i phyir yongs su ma chud de gzhal ba gnyis kyis gzhal ba ma byas par thar pa rang gi tshad ma la zhen phyogs su
137b2 drangs nas thams cad kyang log par bsgyur/ nyid kyang log pa'i rgya mtshor zhugs te/ log pa'i dka' thub drag po dang / log pa'i brtul zhugs chen po la zhugs pa ni dur khrod kyi mi ro dag blangs te kha zas su byed cing pags pa dag bshus te g.yang
137b3 gzhir gyon te longs spyod pa ce spyang nag po dang / 'phar ba rkang rdebs dang / dred mo lag rdebs dang / bya gcan gsod byed dang / dur bya kang ka dang / za byed dur phag la sogs pa'i gson ma mang po brten te thams cad kyi srog gcod cing sha khrag
137b4 la longs spyod par byed pa/ smad 'tshong ma'i tshogs mang por bsdus te chags pa chen por spyod pa/ dngos po bzhi las mi 'da' bar dngos po bzhi'i rang bzhin ji bzhin pa de kho na nyid las yongs su 'das par gyur to/ /de nas skye ba de 'phos par gyur
137b5 te/ de skye ba de'i phyi ma la ce spyang nag po'i lus su skye ba lnga brgya blangs te srog chags 'ba' zhig gsod pa'i las spyod cing sha dang khrag dron mo za bar gyur to/ /skye ba de'i phyi ma dag la khyi lu 'de la sogs pa gdug pas gsod pa'i las can sha khrag
137b6 zas su byed pa tha dad pa'i lus su skye ba lnga brgya blangs shing gzhan gyis bsad cing skye ba 'pho ba sha dag tu gyur to/ /skye ba de'i phyi ma dag la bya ne le sha zan dang / khrag 'thung mchu dmar dang / dur bya kang ka dang / ru rtse rkang ldag la sogs
137b7 pa tha dad pa'i lus blangs shing gzhan gyis bsad cing skye ba 'pho ba sha dag tu gyur to/ /skye ba de dag gi phyi ma dag la sbrang bu tre ma dang / srin bu pu ka dang / ro za rkang 'jib la sogs pa 'bu dang shin tu 'bu chen tha dad pa'i lus su skye ba blangs shing de
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo