| e-texts navigator |
| བོད་ཡིག |
122a1 gser rdo rin po che dang / mngon par spro ba bskyed pa lta bu lags so/ /bka' stsal pa/ skyes bu dam pa'i snying po byang chub de mtshon pa'i ming ji ltar grags/ gsol pa/ bshes gnyen dam pa ming ni te/ ming la nges pa
122a2 gang yang ma mchis lags so/ /bka' stsal pa/ ming gis mtshon du med dam/ gsol pa/ gang yongs su mi dmigs pa las brjod pa'i dbang du mtshon na ming gi rnam grangs su brtags pa ni tha dad pa ji ltar btags pa de ltar chags par grags
122a3 te snying po byang chub nyid dang / de nyid dang / de kho na nyid dang / de bzhin nyid dang / ji bzhin pa dang / ma nor ba dang / ma bcos pa dang / gzhan ma yin pa dang / chos nyid dang / chos kyi dbyings dang / bsam gyis mi khyab pa dang / yang dag
122a4 pa'i mtha' dang / gsang sngags dang / gzungs sngags dang / rig sngags dang / theg pa chen po zhes yongs su grags pa lags so/ /bka' stsal pa/ skyes bu dam pa dag snying po byang chub de ji ltar snang / gsol pa/ snying po byang chub de skad cig
122a5 kyang snang ba mi srid lags so/ /bka' stsal pa/ ci gang du yang mi snang ngam/ gsol pa/ ji ltar bltas pa de ltar snang lags so/ /bka' stsal pa/ ji ltar yongs su snang / gsol pa/ 'di lta ste/ kun du khyab pas snang ba med pa nyid do/ /gar
122a6 yang ma sbas mthong ba med pa nyid do/ /ye nas ma bral ngo ma shes pa nyid do/ /brtags na ma mthong cir yang snang ba nyid do/ /sna tshogs snang yang dngos po med pa nyid do/ /bskal par 'khyams kyang stor bral med pa nyid do/ /sna tshogs sgo yang 'gyur
122a7 ba med pa nyid do/ /rdul cha med par snang srid khyab pa nyid do/ /stong pa nyid las sna tshogs 'byung ba nyid do/ /dngos gzhi med par cir yang btags chags pa nyid do/ /brtsal gnas med par ci bsgrubs 'grub pa nyid do/ /gzugs mtshan med
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo