rKTs

e-texts navigator

Volume

Page

118a₁ gdung gi rigs dang / drug 'byung gi rigs dang / rgyud ldan gyi rigs dang / gnas ldan gyi rigs dang / dmangs rigs dang / rgyal rigs dang / rje'u rigs dang / bram ze'i rigs dang / gdol pa'i rigs dang / kun snang
118a₂ gi rigs dang / rigs gcig pa'i rigs dang / tha dad pa'i rigs dang / bya ba byed pa'i rigs dang / thams cad 'byung ba'i rigs dang / rdo rje'i gdung dang / sde'i rigs dang / nor bu'i gdung dang / sde'i rigs dang / pad+ma'i gdung dang / sde'i
118a₃ rigs dang / gzhon nu'i gdung dang / sde'i rigs dang / glang po'i gdung dang / sde'i rigs 'ba' zhig go/ /de bzhin du thams cad nas thams cad du snang ba'i sangs rgyas dang byang chub sems dpa' mtha' thug pa med pa rnams kyang las dang 'jug pa'i
118a₄ dbang gis rigs lnga 'ba' zhig go/ /ji bzhin pa'i dbang gis na thams cad nas thams cad du rigs kyi mtshan ma med do/ /tha snyad med do/ /rnam pa med do/ /yul med do/ /'jug pa med do/ /sangs rgyas pa med do/ /lung bstan pa med do/ /nges
118a₅ pa rnyed pa med do/ /thams cad nas thams cad du byang chub nyid do/ /stong pa nyid do/ /snying po nyid do/ /de kho na nyid do/ /yang dag pa nyid do/ /nges pa dam pa nyid do/ /gzhan ma yin pa nyid do/ /skye ba med pa nyid do/ /'gag pa med pa nyid do/ /
118a₆ de bzhin nyid do/ /ma nor ba nyid do/ /chos nyid do/ /chos kyi dbyings nyid do/ /bsam gyis mi khyab pas bsam du med pa nyid do/ /yang dag pa'i mtha' mnyam pa nyid do zhes lung bstan pa dang / de kho na nyid gsang ba dam pa'i sgra dpal rdo rje sems
118a₇ dpa'i de kho na nyid stong pa nyid las grags pas skyes bu dam pa rnams thams cad nas thams cad du byang chub kyi snying po nyid du nges pa rnyed do/ /kye lang ka'i bdag po byang chub kyi sems de kho na nyid gsang ba dam pa de 'di ltar dka' ba/ 'di ltar zab pa/ 'di ltar

_{iiif viewer powered by OpenSeadragon}

117b - 118b

Texts on this page