| e-texts navigator |
| བོད་ཡིག |
108b1 dmigs pa yod pas na sems 'byung ngo / /de yang 'di ltar sems so/ /dmigs pa de yang gzhan nam ci/ /sems dpa' de yang gzhan nam gang / /dmigs pa de nyid sems yin nam/ /sems dpa' de nyid dmigs pa'am/ /gal
108b2 te dmigs pa de yang gzhan/ /sems dpa' de'ang gzhan na ni de kho na nyid mi gcig ste gnyis su 'gyur ro/ /'on te gcig pa zhig yin na ni sems la sems kyis rjes su lta zhing sems kyis sems mthong ba mi rigs so/ /'di lta ste dper na ral gri
108b3 des de nyid gcod mi nus pa dang / sor mo'i rtse mo des de nyid la reg par mi nus pa bzhin sems de la sems des dmigs mi nus so zhes bltas na 'di ltar mthong ste/ gang rag ma las pa/ sems la gnas med pa/ rten med pa/ chad par
108b4 ma yin/ rtag par ma yin/ /spungs par ma yin/ rgyu las ma byung / rkyen gyis ma bskyed/ de las ma yin/ gzhan las ma yin/ de nyid ma yin/ gzhan ma yin/ rigs med pa/ rgyu med pa/ mi 'phro ba/ mi snang ba/ ngo bo nyid
108b5 med pa ji lta ba de bzhin du mthong ngo / /yang dag pa/ mi g.yo ba/ dben pa/ cung zad kyang ma mthong / rnam par ma mthong / mi rtog /rnam par mi rtog /mi bskyod/ mi sems/ mi spro/ sems gzugs med pa/ gang byung ba yang
108b6 gzugs med pa/ gang la gzugs med pas byang chub la yang gzugs med do/ /sems kyi rang bzhin ni byang chub bo/ /byang chub kyi rang bzhin ni chos thams cad do/ /chos thams cad kyi rang bzhin ni de kho na nyid do/ /sems 'di ni 'di ltar
108b7 myur ba/ rab tu myur ba/ mi gnas pa/ rgyu ba/ spre'u lta bu/ rlung lta bu/ smig rgyu lta bu/ chu'i rgyun lta bu/ mar me lta bu/ lus gzugs lta bu/ ring du 'gro ba/ gar yang mi g.yo ba/ slar log pa/ yul la gnas pa/ drug gi
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo