| e-texts navigator |
| བོད་ཡིག |
33a1 rkyen 'ga' zhig gis srog chags de dag kyang srog ma chad do/ /klu chen po de dag gis sgra de yang ma thos bcom ldan 'das kyang rjes su ma dran no/ /de nas bdud kyi ris kyi gnod sbyin rnam par 'thor rlung zhes bya ba des stong gsum gyi stong chen po'i 'jig
33a2 rten gyi khams su sgra bsgrags pa zhag bdun gyi nyin par sreg pa'i bskal pa 'byung ste/ 'di ni srid pa'i rtse mo nas mnar med pa'i sems can dmyal ba mnar med pa la thug pa'i bar dag las gang tshig par ma gyur pa cung zad kyang mi srid do/ /'jig rten du 'jigs pa chen
33a3 po byung zhes sgra grag go/ /de nas lha dang klu dang gnod sbyin dang dri za dang lha ma yin dang nam mkha' lding dang / mi 'am ci dang lto 'phye chen po dang / mi dang mi ma yin pa de dag thams cad kyis sgra de thos nas kyi hud kyi hud 'jig rten ma rung bar gyur to zhes ngu'o/ /de nas
33a4 bcom ldan 'das kyis las kyi rkyen gyis 'di myong bar mkhyen mod kyi/ 'on kyang dgongs pa mdzad de/ bcom ldan 'das kyi smin mtshams kyi mdzod spu nas 'od zer byung nas 'od zer des klu'i khyim thams cad snang bar byas nas kyang slar log ste spyi bo'i gtsug tu nub par
33a5 gyur to/ /de nas klu'i rgyal po kun nas gdugs kyi rnam pas bskor ba zhes bya bas kla thams cad bsdus nas 'di skad ces smras so/ /kye klu dang kla chen po dag ci'i phyir 'od zer byung zhing rkyen gang gis 'jig rten du byung / de nas klu'i rgyal po chen po rgya mtshos bsams na
33a6 bcom ldan 'das kyi mthus 'od zer byung bar mthong ngo / /de nas klu'i rgyal po rgya mtsho dang / gzhan yang klu'i rgyal po mthu che ba bcom ldan 'das gang na ba der dong ste lhags nas bcom ldan 'das kyi zhabs la gtugs te 'di skad ces gsol to/ /bcom ldan 'das
33a7 'od zer rab tu bkye ba'i rgyu gang lags rkyen gang lags 'od zer rab tu bkye ste/ khang pa thams cad snang bar bgyis te/ slar ldog par byed pa'i rgyu gang lags rkyen gang lags/ bcom ldan 'das kyis bka' stsal pa/ kye klu'i bdag po dag srog chags brgya stong
iiif viewer powered by OpenSeadragon
Texts on this page
D759 - rdo rje mchu zhes bya ba klu'i dam tshig go