rKTs

e-texts navigator

Volume

Page

30a₁ phur bu de dag kyang snying gar nub par gzugs so/ /sngags brgya rtsa brgyad yongs su bzlas par bya'o/ /shar phyogs su klu mgo bdun pa gzhag par bya'o/ /nub phyogs su mgo brgyad pa'o/ /lho phyogs su mgo lnga pa'o/ /byang phyogs su mgo gsum
30a₂ pa'o/ /dkyil 'khor gyi dbus su mgo dgu pa gzhag par bya'o/ /pog phor re re ste lnga gzhag par bya'o/ /yungs kar dang / bra yos su bsres pa la lan nyi shu rtsa gcig bzlas pa byas te/ phyogs bzhir gtor ro/ /gzungs 'di bris la rgyal mtshan gyi rtse mo
30a₃ la btags te dkyil 'khor gyi grwa bzhir gzugs so/ /zhing gi dbus su yang gzugs so/ /skyed mos tshal gyi dbus su yang gzugs so/ /de btsugs ma thag tu phyogs bzhi kun nas ri sul chen pos mtshams bcad par 'gyur ro/ /ji srid du phur bu ma phyung ba
30a₄ de srid du mtshams bcad pa chen por 'gyur ro/ /lo tog thams cad dang / me tog dang / 'bras bu thams cad legs par bsrungs par 'gyur ro/ /tha na 'dab ma gcig kyang skams par mi 'gyur na/ yal ga dang / sdong bu skams par 'gyur ba lta ci
30a₅ smos/ srog chags kyi rigs dang bya thams cad kyang kha bcings par 'gyur ro/ /ma rungs par byed kyang mi nus so/ /gnas der rlung dang / sprin dang / ser ba dang / sad dang / dus ma yin pa'i rlung gis kyang ma rungs par byed mi nus so/ /klu'i gnod
30a₆ pa byas kyang ma rungs par byed mi nus so/ /ma rungs pa zhig tu gyur na de yang slar rtas par 'gyur ro/ /yang stobs dang / rtas pa dang / 'od yod par 'gyur ro/ /bum pa chen po nang na yod pa de yang zhing dang kun dga' ra ba dang / skyed mos tshal gyi phyogs bzhi
30a₇ kun du gtor ba byas na srog chags thams cad med par 'gyur ro/ /sbrul dang / byi ba dang / ne'u le dang / byi dur dang / dom dang / sbal pa dang / sha sbrang dang / sbrang bu dang / byi ba dang / 'dab chags rnams med par 'gyur ro/ /grog sbur thams

_{iiif viewer powered by OpenSeadragon}

29b - 30b

Texts on this page