| e-texts navigator |
| བོད་ཡིག |
28a1 rgyun dbab cing klu dgug par bya'o zhes smras te/ des me'i sbyin sreg bya bar bshams nas til dang / 'bras dang / yungs kar rnams 'bru mar tsha ba dang bsres te sbyin sreg byed do/ /de nas klu mi srun pa zhig gi gzugs byas te/ des lcags
28a2 kyi phur bu la bsngags nas klu'i spyi bor btab pa dang / klu'i spyi bo gas nas sdug bsngal gyi tshor ba chen por gyur to/ /klu de yang cher 'khrugs te khros nas skad cig thang cig yud tsam de la klus khyab par byed pa'i shugs kyis cher gnod cing rdul 'byung ba'i 'od zer tsha ba rang
28a3 gi lus las bkye ste gnod pa chen pos khebs par byas nas bram ze de'i zhing tshig par byas so/ /de yang lce 'bab pa'i char gyi rgyun chen po bram ze'i lus la phab nas bram ze de mgon med/ skyabs med/ dpung gnyen med de/ me'i sbyin sreg byed pa btang nas de
28a4 bcom ldan 'das la mgon dang skyabs dang dpung gnyen btsal te 'bros par bsams nas bcom ldan 'das kyi drung du brgyugs te/ bcom ldan 'das ga la ba der song nas bcom ldan 'das kyi zhabs gnyis la gtugs te 'di skad ces gsol to/ /bcom ldan
28a5 'das klu khro bo dag gis srog ma rungs bar bgyid par 'tshal te skyabs su yang ma mchis na/ bcom ldan 'das bskyab tu gsol/ /bde bar gshegs pa bskyab tu gsol/ /de nas bcom ldan 'das kyis bram ze chen po de dbugs phyung nas 'di skad ces
28a6 bka' stsal to/ /bram ze chen po ma 'jigs shig /ngas khyod kyi mgon dang / skyabs dang / dpung gnyen bya'o zhes bka' stsal nas cang mi gsung bar bzhugs so/ /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol
28a7 to/ /bcom ldan 'das gzigs su gsol/ mngon sum du gyur bzhin du yang klu mi bgrungs pas lo tog ma rungs par bgyid na/ bcom ldan 'das khyod yongs su mya ngan las 'das kyi slad na slad ma'i tshe slad ma'i dus na sems can thams cad kyi rten ni su lags/
iiif viewer powered by OpenSeadragon
Texts on this page
D759 - rdo rje mchu zhes bya ba klu'i dam tshig go