| e-texts navigator |
| བོད་ཡིག |
222a1 gsungs/ /mkhas pas phyogs bzhi rigs rel/ /sbyin sreg cho ga bzhin byas nas/ /nub kyi bum ba'i drung du ni/ /rang gi rig sngags sbyin sreg bya/ /'dir ni sbyin sreg cho ga bzhin/ /byas na thams cad tshim par 'gyur/ /der ni gtor
222a2 ma rgya cher bya/ /des ni lha rnams mgu bar 'gyur/ /dkyil 'khor 'di ni bris nas kyang / /bzlas brjod sbyin sreg ci dgar bya/ /rang rigs rig pas rig sngags la/ /mar gyi sbyin sreg dag kyang bya/ /'o thug mar dang sbyar ba'am/ /til
222a3 dang mngar gsum sbyar ba yis/ /mtshan mo'i lhag ma rang rigs kyi/ /rig pas rig sngags sbyin sreg bya/ /las 'di dag gis nges par yang / /lha nyid myur du 'grub 'gyur zhing / /tshim par 'gyur zhing mnyes par 'gyur/ /legs par yang ni skongs
222a4 par 'gyur/ /dkyil 'khor 'di ni bris nas kyang / /gsang sngags rjes mthun sbyin sreg bya/ /lan bdun kho na bris nas kyang / /the tshom med par nges par 'grub/ /rig pa'i rgyal po'i rig sngags sam/ /de bzhin rigs kyi rig sngags kyis/ /rig sngags
222a5 dag la drag spyad pa/ /thams cad btud de bya bar gsungs/ /spra tshil las ni gzugs byas nas/ /de yang rig sngags kyis bzlas te/ /drag shul spyod pa'i sbyin sreg ni/ /las kyis cho ga thams cad bya/ /ske tshe yungs mar gyis blugs na/ /rims
222a6 nad drag pos 'debs par 'gyur/ /kha sbub tu ni bzhag byas na/ /lus la sdug bsngal tshor ba 'byung / /mi mthun pa yis brdeg pa dang / /me tog gis kyang bsnun par bya/ /de nyid la ni spyo par gsungs/ /tho 'tsham pa yang ci dgar bya/ /dkyil
222a7 'khor 'dir ni gsang sngags dag / gdon bzhin du ni tshar bcad na/ /cho ga las ni bstan pa yi/ /dngos grub dag kyang stsol bar 'gyur/ /'dir ni lha nyid mngon gshegs nas/ /nyid kyis bsgrub pa nyid la ni/ /dngos grub myur du sbyin par 'gyur/ /
iiif viewer powered by OpenSeadragon
Texts on this page
D807 - legs par grub par byed pa'i rgyud chen po las sgrub pa'i thabs rim par phye ba