| e-texts navigator |
| བོད་ཡིག |
220a1 kyis/ /dri med blo yis shes par bya/ /skal ba dbang ba mchog gnas su/ /zlos pas gsol ba gdab par bya/ /bka' lung grub par shes par bya/ /de yi 'og tu bgo bar gsungs/ /de ltar kun la ci rigs par/ /legs par bgo
220a2 bar bya bar gsungs/ /dngos grub dag ni phal la yang / /mdor na cho ga de bzhin bya/ /gus shing nor dang mchod pa bya/ /bka' bzhin byed par phan 'dogs pas/ /rdzas grub bla ma'i skal la sogs/ /slu ba dag ni de ltar bshad/ /rang gi mchod yon
220a3 phul nas su/ /rdzas rnams legs par lung bzhin bgo/ /rig sngags rgyal la phyag byas nas/ /rig rgyal mo la'ang gus byas te/ /blo yis gsang sngags lha rnams la/ /gus par bsam ste spyad par bya/ /blo can grub nas nam mkha' la/ /ci bde
220a4 bar ni 'gro bar bya/ /'on tam grub pa rnams dang ni/ /lhan cig 'dug kyang cis mi tshugs/ /rtag tu rang gi lha nyid ni/ /yid la yongs su bzlas pa dang / /bdag gi grub pa'i rdzas rnams la/ /rtag tu blta zhing dran byas na/ /pha rol gnod pa byed pa ni/ /
220a5 sdang ba rnams kyis yongs mi tshugs/ /mkhas pas rig sngags brgya bzlas nas/ /grub pa rnams kyis mchod par 'gyur/ /rigs kyi rig sngags bzlas na ni/ /sgrub po 'jigs pa kun las thar/ /gcig la gcig ni mthong ba na/ /mkhas pas
220a6 legs par smra bar bya/ /legs par 'ongs sam bde'am zhes/ /mthong nas dang por mngon par brjod/ /dam tshig rigs kyi phyag rgya dang / /grub pa'i rdzas kyang bstan par bya/ /gang nas 'ongs zhes zer na yang / /dris pa'i lan yang gdab par bya/ /
220a7 lha yi gnas ni thams cad dang / /shing gcig lam gyi bzhi mdo dang / /dka' thub gnas dang byin can dang / /mchod sbyin pa dang bram ze'i gnas/ /mu stegs la sogs grub pa dang / /nam yang 'da' bar mi bya'o/ /nga rgyal gyis ni 'das gyur na/ /'khrugs
iiif viewer powered by OpenSeadragon
Texts on this page
D807 - legs par grub par byed pa'i rgyud chen po las sgrub pa'i thabs rim par phye ba