rKTs

e-texts navigator

Volume

Page

219b₁ sgrub pa po yis phyi rol du/ /mchod yon dbul zhing grub pa khyed/ /nyid kyi rdzas skal 'di bzhes zhes/ /tshig ni lan gsum bsgrag par bya/ /sngags grub pa rnams med na ni/ /de yi skal bas sngags zlos pas/ /dogs med pa yi sems kyis ni/ /grogs
219b₂ po rnams la sbyin par bya/ /gsang sngags zlos pa'i grogs rnams ni/ /gus shing rtag par don du gnyer/ /dka' thub dag dang grogs byed pas/ /thog ma nyid nas grub pa yin/ /de bas de yis sbyin pa ni/ /rdzas ni blang bar 'os pas na/ /bdag cag
219b₃ sngon nas grub pa zhes/ /mthun par smra zhing blang bar bya/ /grub pa'i rdzas rnams de lta bur/ /bgo bar rab tu bsgrags pas na/ /bdag rang nyid kyis de rnams la/ /rdzas ni rnam par bgo bar bya/ /grub pa'i rdzas rnams kha cig ni/ /ci ran tsam du
219b₄ bgo ste dper/ /any+dza na ni thams cad dang / /gi wang la sogs bzhin du bshad/ /cho ga shes pas la la ni/ /yid kyis bgos pa byas te dper/ /ral gri la sogs mthong ba bzhin/ /de la phan gdags bsam par bya/ /grub pa'i rdzas rnams kha
219b₅ cig ni/ /gcig pus spyad par bya ste dper/ /ras la sogs pa mthong ba bzhin/ /de la phan gdags bsam par bya/ /grub pa'i rdzas kyi bye brag las/ /kha cig mnyam par bgo ste dper/ /ril bu la sogs mthong ba bzhin/ /de la phyed du bgo ba med/ /rdzas
219b₆ rnams la yang phal cher yang / /gcig pus mang du bskur bar gsungs/ /skal bar nor ram man ngag bstan/ /rgyud las gsungs pas yid ches bya/ /'di dag khyod kyis byos shig ce'am/ /bdag gi nor 'di khyod kyi'o zhes/ /bzlas brjod byed pas grogs po
219b₇ la/ /bgo ba dag ni de ltar bya/ /grub par gyur na cho ga bzhin/ /mkhas pa dag gis phan 'dogs pa/ /bdag nyid kyis ni ci rigs par/ /gang yang rung bas rab tu bya/ /dngos grub rnam pa mang po dag /grub pas rnam par bgo ba ni/ /bye brag tu ni bdag nyid

_{iiif viewer powered by OpenSeadragon}

219a - 220a

Texts on this page