rKTs

e-texts navigator

Volume

Page

219a₁ gyur tam/ /yang na skyin pa gzhan yang rung / /sgrub pa po la 'chags byed na/ /de tshe mkhas pas zhi bar bya/ /gal te chud ni gsan pa'am/ /bag med pas ni spyad gyur pa/ /de tshe skrag pa de la ni/ /sgrub pas myur du dad par gyis/ /'phags
219a₂ pa rdo rje rnam 'joms sam/ /myur du khro bo chen po'am/ /yang na mnol ba med pa yis/ /sbyin sreg las mthar myur du bskul/ /mkhas pas rigs gsum dag gis kyang / /'phrogs pa slar ni dgug pa'i phyir/ /dkyil 'khor dag ni cho ga bzhin/ /gsang sngags
219a₃ 'di ni sngon bzhin bya/ /na mo ra t+na tra yA ya/ namash+tsaN+Da badzra pA Na ye/ ma hA yak+Sha se nA pa ta ye/ o~M ha ra ha ra badzra/ ma tha ma tha badzra/ d+hu na d+hu na badzra/ ha na ha na badzra/ da ha da ha badzra/ pa tsa pa tsa badzra/ d+ha ra d+ha ra badzra/ d+ha ra ya d+ha ra ya badzra/ dA ru Na dA ru Na badzra/ dA
219a₄ ra ya bi dA ra ya badzra/ ts+tshin+da ts+tshin+da badzra/ b+hin+da b+hin+da badzra hU~M phaT/ zlos pas gal te rdzas rnyed dam/ /yang na gzhan dag thub kyang rung / /de ni sngon bzhin dus mtshams la/ /bsrung bar bya ste sbyar bar bya/ /gzhan yang dngos grub 'bring dag dang / /tha ma cung zad tsam
219a₅ la yang / /cho ga shes pas ci rigs par/ /de yi mod la sbyar bar gsungs/ /bcom ldan 'das kyi sku skal du/ /rdzas kyi cha gcig thog mar dbul/ /blo dang ldan pas bla ma la/ /phyag byas nas ni gnyis pa dbul/ /gsum pa sngar grub pa rnams la/ /
219a₆ dkyil 'khor phyi rol dag tu dbul/ /bzhi pa grogs po rnams la sbyin/ /lnga pa bdag nyid spyad par bya/ /de la'ang skal ba phyed phyed du/ /bgos nas bdag gis phyed bskur ba/ /brtag par bya ba'i rdzas rnams la/ /cho ga 'di dag bshad pa yin/ /bcom
219a₇ ldan sku skal bdag nyid kyis/ /mchod yon phul nas bskur bar bya/ /sangs rgyas rnams la slu ba'i phyir/ /mchod pa'i cho ga la sogs bshad/ /bla ma med par gyur na ni/ /bla ma'i skal ba bdag gis blang / /de la lhag par gus bya ba/ /de ni de yi slu ba yin/ /

_{iiif viewer powered by OpenSeadragon}

218b - 219b

Texts on this page