| e-texts navigator |
| བོད་ཡིག |
269b1 ji snyed pa dang mnyam pa'i sangs rgyas kyi zhing de dag thams cad kyang snang ba des gsal bar snang bar gyur to/ /sangs rgyas kyi zhing de dag na sangs rgyas bcom ldan 'das gang dag bzhugs pa de dag kyang seng ge'i khri du ma bkod pa'i khang pa brtsegs pa'i gzhal med khang rnams na chos ston to/ /
269b2 nyan thos chen po de dag dang / byang chub sems dpa' sems dpa' chen po dag dang thabs cig go/ /dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am
269b3 ci dang / lto 'phye chen po rnams dang yang thabs cig go/ /de dag thams cad kyang rdo rje'i lhun po chen po'i rtse mo'i khang pa brtsegs pa'i gzungs yang dag par rab tu ston to/ /de dag thams cad kyang kun du snang ngo / /skad cig de la sems can de dag thams cad bde ba thams cad kyis tshim par
269b4 gyur to/ /'on pa rnams ni sgra thos so/ /long ba rnams ni mig thob bo/ /smyon pa rnams ni dran pa rnyed do/ /nad pa rnams ni sos par gyur to/ /sbrum ma rnams ni bde bar btsas so/ /sems can dmyal ba thams cad kyi sdug bsngal rnams ni med par gyur to/ /yud tsam de la
269b5 dud 'gro'i skye gnas dang / kyi skye gnas dang / gshin rje'i 'jig rten rnams kyi ming yang mi grag par gyur to/ /'jig rten gyi bar gang dag mun pa mun nag dang / mun pa mun nag chen por 'dug pa de dag thams cad kyang gsal bar snang bar gyur to/ /der sems can gang dag
269b6 skyes pa de dag thams cad dang / sems can gzhan 'dir skyes pa rnams kyang gcig gis gcig shes so/ /de nas sems can de dag thams cad kyi ngo mtshar rmad du byung ba'i chos kyi dga' ba thob ste bde ba mchog gis tshim par gyur nas kun du bltas pa dang / de bzhin gshegs pa dgra
269b7 bcom pa yang dag par rdzogs pa'i sangs rgyas mthong ste/ de dag gis gser gyi mchod sdong ltar dpal gyis 'bar zhing rang gi gzi brjid kyis mngon par 'phags pa de mthong nas de nyid la skyabs su dong ngo / /skyabs su dong ma thag tu de dag thams cad de bzhin gshegs pa'i 'khor
iiif viewer powered by OpenSeadragon
Texts on this page
D751 - 'phags pa rdo rje'i ri rab chen po'i rtse mo'i khang pa brtsegs pa'i gzungs