rKTs

e-texts navigator

Volume

Page

98b₁ de nas bu ram gyi sreg blugs bdun sbyin sreg bya'o/ /de nas sra rtsi bog gi phye ma'i sreg blugs bdun sbyin sreg bya'o/ /de nas lcags kyi phye ma mar gyis btags pa'i sreg blugs bdun sbyin sreg bya'o/ /de nas sa la ma lhung ba'i ba lang gi lci ba la mar gyis btags
98b₂ ba'i sreg blugs bdun sbyin sreg bya'o/ /de nas bil ba'i 'bru la zho dang / sbrang rtsi dang mar gyis btags pa'i sreg blugs bdun sbyin sreg bya'o/ /de nas til nag po dang 'bras yos lhan cig pa la zho dang sbrang rtsi dang / mar gyis btags pa rnams dang / gser dang
98b₃ dngul gyi phye ma phan tshun bsres pa'i sbyin sreg brgyad brgya bya'o/ /bar skabs 'dir sgrub pa po lha thams cad kyis kun tu gzigs par byed do/ /de dang 'di yang bdag gi mchog tu gsang chen gyi gsang ba'i sgrub pa nye bar spyod pa'i cho ga'o/ /de langs nas dkyil 'khor
98b₄ la bskor bar byas te sangs rgyas dang byang chub sems dpa' thams cad la phyag 'tshal nas bla ma la yon gyi mchog phul te/ gang gis sam/ de'i thad kar yang rung ste zhu bar bya'o/ /dkyil 'khor bris par lha rnams mthong nas bla ma la phyag btsal te mngon par
98b₅ dbang bskur ba dang / dngos grub kyi rjes su gnang ba yang zhu bar bya'o/ /de nas las grub pa'i cho ga 'dis mchog tu tshul khrims 'chal pas kyang bcom ldan 'das ma 'grub par 'gyur ro/ /sgrub thabs kyi nye bar spyod pa'i cho ga 'di mchog tu gsang ba shin tu gsang
98b₆ chen te/ mdor na las gang yang ci yin pa 'dis byed pa'ang byed par 'gyur ro/ /de'i thams cad zhi ba can dang / rgyas pa can dang / mngon par mdzes pa'i las rnams ni ji lta ji ltar sgrub par byed pa de lta de ltar sgrub pa nye bar 'gro'o/ /de ltar yang rig pa rab tu sbyar ba de
98b₇ lta de ltar legs par rab tu sbyar bar 'gyur ro/ /ji ltar yang sgrub par byed pa de ltar sgrub par byed de las de dang 'di rig pa thams cad dga' ba zhes pa de dang 'dis las rnams mchog tu sgrub pa nye bar skye'o/ /mdor na bdag gi seng ge'i sgra 'di gang la la rig pa la dga'

_{iiif viewer powered by OpenSeadragon}

98a - 99a

Texts on this page