| e-texts navigator |
| བོད་ཡིག |
97a1 mchod pa rgya chen po byas nas chos dang / chos yang dag par sdud pa po la yang bsod snyoms dang / theg pa chen po la bza' ba gya nom pa dang / khyad par du yon dang bcas pa'o/ /de nas 'di rdzogs par bya'o/ /de bzhin du bya ste rtog pa'i rgyal po ji lta ba bzhin du
97a2 rtog pa'i rgyal po'i rig pa'i gsang sngags bklag par bya ste de bzhin du dman par mi 'gyur ro/ /ji ltar myur du dngos grub nyid kyang stsol bar byed do/ /bcom ldan 'das byang chub sems dpa' chen pos 'di skad ces bka' stsal pa dang / lha dang bcas pa'i 'jig rten bcom ldan 'das kyis
97a3 gsungs pa la mngon par dga'o/ /byang chub sems dpa'i sde snod phal po che shin tu rgyas pa chen po nyid kyi rtog pa'i rgyal po ral pa gyen brdzes zhes bya ba bcom ldan 'das 'phags ma sgrol ma'i rtog pa rdzogs so// //de nas bcom ldan
97a4 'das ri'i rgyal po gru 'dzin na bzhugs te/ der bcom ldan 'das kyis byang chub sems dpa' 'phags pa spyan ras gzigs dbang phyug la bos te 'di skad ces bka' stsal to/ /sems dpa' chen po khyod kyis ral pa gyen brdzes kyi rtog pa'i rgyal po chen po de bshad do/ /
97a5 da ni phyi ma'i rgyud gsang ba de gsang chen phyi ma dang bcas pa thabs sla ba bde blag tu sgrub pa/ cho ga dang bcas pa sngon du 'gro bas brjod pa snying rje chen po'i bdag nyid can skye bo mang po la phan pa dang / skye bo mang po la bde ba'i ched dang / sdug bsngal gyis gdungs ba rnams
97a6 la snying brtse ba'i ched dang / sngon gyi sangs rgyas rnams kyis rjes su yi rang bar mdzad pa/ sgrol ma thams cad kyi thun mong ba'i rig pa/ ral pa gyen brdzes rtog pa'i rgyal po nyid kyi sbyor ba rnams shod cig /bcom ldan 'das la sems dpa' chen pos 'di skad ces gsol
97a7 te/ bcom ldan 'das de bzhin gshegs pas rjes su gnang ba dang / sangs rgyas bcom ldan 'das gzhan rnams kyis kyang rjes su yi rang bar mdzad na bshad par bgyi'o/ /dang po kho nar sgrub pos re zhig skyabs gsum yongs su bzung ba dang / byang chub tu sems
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po