rKTs

e-texts navigator

Volume

Page

91b₁ nas lan gsum bzlas pa'i til mar gyis rkang pa g.yas pa la bskus nas lcags des rkang pa la gdung bar bya zhing gri d+ha shI chod cig ces brjod par bya'o/ /'bum phrag gnyis bzlas pas rgyal po'i btsun mo dbang du byed do/ /yungs kar rgyal po'i sreg blugs byas pas dbang du
91b₂ 'gyur zhing mtshan mo bdun gyis nor gyi bdag por 'gyur te 'dod pas nye bar bzhag pa ma gtogs so/ /mArga la 'bum bzlas te bskus na bza' btung gang blangs pa de rnyed do/ /arga'i yam shing gis sbyin sreg byas na gser srang brgya rnyed do/ /shing bi N+ya kaM gis sbyin sreg
91b₃ bya ste skye bo thams cad dga' bar 'gyur ro/ /tA mU la'i phye mas sbyin sreg stong phrag brgya bya ste cod pan 'ching bar 'gyur ro/ /bye ba bzlas par bya ste 'khor brgyas bskor ba'i rig pa 'dzin par 'gyur ro/ /'bras yos kyi sreg blugs stong phrag brgyad kyis sbyin sreg bya ste nyi ma
91b₄ bdun gyis bgegs rnams med par 'gyur ro/ /'bum phrag bcu gnyis bzlas par bya ste/ ba lci skam po hwags kyis btso bar 'gyur ro/ /rtsa ba med pa'am/ dug med par brjod pas bskus na dri bzang por 'gyur ro/ /tAm+bu la thams cad yang dag par sbyar te
91b₅ 'bum gyis sbyin sreg bya'o/ /tAm+bu la ma tshang ba nyid med par 'gyur ro/ /a bA margas mig nad sel bar byed do/ /rims kyis btab pa la ku shas byabs pas so/ /srad bu la brgyad brgya bzlas nas bcing bar bya ste skal ba bzang por 'gyur ro/ /zan dang zho
91b₆ lhan cig pa 'bum gyis sbyin sreg byas na ji srid 'dod pa'i zas ma tshang ba med par 'gyur ro/ /mar gyi sreg blugs stong gis sbyin sreg byas na yul gru gsum rnyed do/ /bsod nams chung ba'i sems can rnams kyis sgrub pa lan gsum gyis bsgrub par bya'o zhes so/ /gu
91b₇ gul gyi ril bu ka par Sha'i rus pa'i tshad kyis sbyin sreg stong phrag brgya bya/ nyi ma re re la pa Na bcu drug rnyed do/ /lhag ma med pa zad par bya'o/ /dong ka'i me tog gis sbyin sreg stong phrag brgya bya ste ma btags pa'i gos sna tshogs pa bye ba phrag bcu gnyis rnyed do/ /snying rjes sbyin

_{iiif viewer powered by OpenSeadragon}

91a - 92a

Texts on this page