rKTs

e-texts navigator

Volume

Page

41b₁ mig sman sgrub par 'dod na rna ba'i mig sman a shwat+tha'i 'dab ma'i nang du btum par byas nas ji srid dngos grub rnam pa gsum du gyur pa de srid du bzlas par bya'o/ /tsan+dan dmar po las byung ba'i sor bcu drug pa'am/ sor bcu pa'i dbyug pa'i shing byed du gzhug go/ /
41b₂ 'phags pa spyan ras gzigs dbang phyug gi drung du ji srid dngos grub rnam pa gsum du gyur gyi bar du 'bum phrag gsum bzlas par bya'o/ /gang byed pa de thams cad de byed du gzhug par bya'o/ /cho 'phrul gyi phyogs nas brtsams nas gso sbyong can gyis dus gsum du
41b₃ khrus bya zhing gos lan gsum du brjes la 'bum bzlas par bya'o/ /bsnyams pa'i ras la lha 'drir gzhug par bya ste/ ston ka'i sprin ltar dkar ba/ phyag na pad+ma bsnams pa/ rgyan thams cad kyis rnam par brgyan pa/ ring bsrel dang bcas pa'i mchod rten du dbugs
41b₄ rngub bzhin pas lag pa gnyis su dzI pas bkang la ral pa'i cod pan 'dzin cing mchod phyir thogs dkar po can pad+ma'i phreng ba 'chang ba'o/ /de nas dkar po'i brgyad nas brtsams nas ring bsrel dang bcas pa'i mchod rten dang / ras ris la pad+ma dkar po'i sbyin sreg bya zhing
41b₅ 'bum phrag bcu gnyis bzlas par bya'o/ /cho ga gzhan ni rig pa 'dzin pas sgrub pa byed par 'dod pas log 'dren rnam par 'joms pa'i cho ga'i rgyal po ni yungs kar la tsha ba'i til mar gyis btags pa'i sbyin sreg stong phrag brgyad bya ste dpag tshad stong du 'bros par byed
41b₆ do/ /de nas rig pa bsgrub par bya'o/ /rnam pa gzhan du dug 'joms par byed do/ /pha rol gyi rig pa bcing bar 'dod na/ ming nas smos te ras kyi kha tshar la brgyad brgyar mngon par bsngags nas mdud pa bcing bar bya'o/ /gal te sangs rgyas bcom ldan 'das
41b₇ rang byung du byon yang / des kyang ji srid rig pa 'dzin pas bkrol gyi bar du dgrol bar mi nus so/ /zhi bar 'dod pas sna ma'i me tog stong phrag brgyad dbul bar bya ste/ zhi bar 'gyur ro/ /slong mo za bas bye ba yongs su bzlas par bya ste/ mngon sum du bcom ldan

_{iiif viewer powered by OpenSeadragon}

41a - 42a

Texts on this page