rKTs

e-texts navigator

Volume

Page

38a₁ de nas lha ma yin gyi dbang po thags zangs ris kyis dam pa mchog tu gsang ba gsungs pa/ lha ma yin gyi bu ga'i sgor song nas 'o ma dang nas zan za bas bcom ldan 'das ma'i snying po mnyam par 'gro ma 'bum bzlas par bya'o/ /lha ma yin
38a₂ gyi bu mo mthong bar 'gyur ro/ /de rnams ral gri sbyin pa'am/ grub pa'i rdzas gzhan snang bar byed de/ de blangs pas rig pa 'dzin pa ji ltar 'dod pa bzhin du 'gyur ro/ /lha ma yin gyi dbang po thags zangs ris kyis bshad pa'i bcom ldan 'das ma rig pa'i rgyal
38a₃ mo chen mo'i le'u bcu gnyis pa'o/ / //byang chub sems dpa'i sde snod phal po che las bcom ldan 'das ma rig pa'i rgyal mo'i skyed par byed pa'i gsang chen zhes pa'o/ /de nas yang sems dpa' chen pos thams cad dang ldan pa'i 'khor gyi dkyil
38a₄ 'khor la gzigs nas bsam pa rnam par dag pas 'dir bcom ldan 'das ma 'phags ma sgrol ma sgrub pa'i don du rtog pa'i rgyal pos rig pa'i sngags 'jig rten gsum las rnam par rgyal ba zhes bya ba'i sngags kyi rgyal po chen po gsungs so/ /bar skabs
38a₅ 'dir byang chub sems dpa' chen po'i thugs ka'i phyogs nas bdud rtsi thams cad yang dag par sbyor ba zhes bya ba'i 'od zer byung bar gyur to/ /'od zer des thams cad dang ldan pa'i 'jig rten gyi khams bye ba khrag khrig brgya stong phrag yongs su bskor nas sems
38a₆ can rnams snang bar byas te slar yang byang chub sems dpa' chen po'i lus su nub par gyur to/ /bar skabs 'dir gsungs par gyur pa de gang zhe na/ na mo rat+na tra yA ya na ma Ar+ya a ba lo ki te shwa rA ya/ bo d+hi satwA ya/ ma hA satwA ya A ro li ka /'di ni
38a₇ mchog gi snying po 'jig rten gsum las rnam par rgyal ba zhes bya ba de yin te/ bcom ldan 'das ma 'phags ma sgrol ma sgrub pa'i cho ga gdon mi za bar kho nar sgrub pa po rab tu sbyar bar bya'o/ /don med pa thams cad zlog par byed pa/ sdig pa thams cad zad par

_{iiif viewer powered by OpenSeadragon}

37b - 38b

Texts on this page