rKTs

e-texts navigator

Volume

Page

34b₁ pas blang bar bya ste blangs pa tsam gyis mi snang bar 'gyur ro/ /sa'i cha drug 'phrog cing lo stong du 'tsho'o/ /lha dang lha ma yin gyi bu mo rnams dang lhan cig dga' bar byed do/ /nag po'i brgyad pa la bud med shi ba de'i lce blangs nas lcags gsum gyis dkris te yid rlung ltar
34b₂ 'gro'o/ /'di'i tshangs par spyad pas 'dod pa rnams la sems bskyed na de gcig pu 'jig rten gyi khams su 'gro zhing bskal pa chen por gnas so/ /yid kyis skye ba 'dzin par byed do/ /gtsang mas gos gtsang ma bgos te dur khrod du zla ba drug rig pa bzlas na mi
34b₃ snang bar 'gyur ro/ /lo lnga brgyar 'tsho'o/ /'ug pa'i mig sman dang lhan cig btag par bya/ lcags gsum gyis dkris pa'i ril bu byas nas dbang phyug chen po'i g.yas kyi lus la kham phor kha sbyar du bzhag par byas nas lag pa g.yas pas mnan te rig pa
34b₄ dam pa dpag tu med pa bzlas par bya ste ji srid du rnam par chad do'i sgra thos pa de srid du bzlas par bya'o/ /rig pa dran pas ril bu blangs te khar bcug na mi snang bar 'gyur ro/ /lo stong phrag gnyis su 'tsho bar 'gyur ro/ /mig sman dang / ldong ros dang /
34b₅ 'o ma dang / pad+ma ge sar mnyam par 'gro ba'i rdzas mnyam par byas te/ lcags gsum gyis dkri bar bya'o/ /rgyal la sbyor ba rnam par shes par bya zhing / de nas bsgrub par bya zhing / sha za sgrub par 'dod pas dur khrod du ba lang gi pags pa'i tshad tsam gyi dkyil
34b₆ 'khor nye bar phyug pa byas nas sha dang chang la sogs pa'i gtor ma byas te/ kha shar du phyogs par mi'i skra la khrag gis btags pa'i sbyin sreg stong phrag brgyad byas na sha za thams cad 'ong ste/ 'jigs par mi bya zhing srung bar yang mi bya bar 'di skad ces brjod par bya'o/ /
34b₇ bdag gi dbang du gyur cig ces brjod pa dang / de rnams kyis smras pa/ de bzhin du gyur cig ces brjod pa dang mi snang bar 'gyur ro/ /nyi ma re re la'ang dong tse lnga lnga ster bar byed de/ de rnams kyang zad par bya'o/ /dur khrod du dri med nyid kyi ming nas smos

_{iiif viewer powered by OpenSeadragon}

34a - 35a

Texts on this page