rKTs

e-texts navigator

Volume

Page

32b₁ dus gsum mnyam par dmigs pa yis/ /sgrub po de la 'ga' zhig gis/ /glags skabs rnyed par mi 'gyur ro/ /ri mo mkhan gso sbyong la gnas pas bcom ldan 'das kyi gzugs brnyan 'drir gzhug par bya ste/ gser ltar ser ba/ chos ston par
32b₂ mdzad bzhin pa'o/ /g.yas su 'phags pa spyan ras gzigs dbang phyug ral pa'i cod pan 'chang ba sngo bsangs lus mchod phyir thogs kyis brgyan pa phyag na pad+ma bsnams pa'o/ /phyag na rdo rje zar ma'i me tog dang mtshungs pa phyag na rdo rje bsnams pa kun nas 'od 'phro ba
32b₃ 'drir gzhug par bya'o/ /phyag na rdo rje'i nye logs su rgyal po chen po bzhi mtshon cha dang bcas 'drir gzhug par bya'o/ /spyan ras gzigs dbang phyug gi nye logs su bcom ldan 'das ma khro gnyer can ma pri yang+ku sngo bsangs 'drir gzhug par bya'o/ /'og tu
32b₄ sgrub pa po lag na spos phor thogs pa'o/ /de nas sgrub pa pos ras ris kyi spyan sngar slong mo za zhing / gtsang ma'i phyogs su 'bum phrag gsum bzlas par bya'o/ /de nas ras ris blangs nas ri'i rtse mo la 'dzegs te sa nag po la ma he byas la ras ris la mchod pa rgya
32b₅ chen po dang 'byung po thams cad la gtor ma bya'o/ /de nas sgrub pa pos bsrung ba byas te gos gtsang ma bgos te/ ku sha'i khres la nye bar 'dug pa snying po mnyam par 'gro ma bzlas par bya'o/ /ji srid ma he'i rwa g.yas pa la 'od zer 'phro ba de srid du bzlas par bya'o/ /
32b₆ de nas yid kyis mchod yon dbul lo/ /de nas ma he la zhon te zhon pa tsam gyis rig pa 'dzin pa bcu bdun gyis yongs su bskor ba'i lha'i lus su 'gyur ro/ /dpag tshad stong phrag drug cur 'phur bar 'gyur ro/ /lha ma yin gyi bu mo rnams kyang dbang du 'du bar
32b₇ 'gyur ro/ /lo stong phrag lnga brgyar 'tsho bar 'gyur ro/ /lus sbyang ba byas nas ras ris la mchod pa rgya chen po dang / rnam pa sna tshogs pa'i gtor ma bya ste de nas sgrub pa pos ku sha las byung ba'i zhags pa byas nas lag pa g.yas pas mnan te ji srid 'bar bar gyur

_{iiif viewer powered by OpenSeadragon}

32a - 33a

Texts on this page