| e-texts navigator |
| བོད་ཡིག |
31b1 rig pa 'dzin pa thams cad kyang kun tu dbang bar 'gyur ro/ /gang gi tshe 'di 'pho ba'i dus la bab pa de'i tshe bcom ldan 'das ma yang dag par byon nas skul bar byed do/ /bu rin po che'i mthu de rnams zad nas slar yang bsgrub par bya'o zhes brjod nas mi snang bar 'gyur ro/ /phyis
31b2 rig pa'i rgyal mo 'di dran par 'gyur ro/ /ngan 'gro log par ltung ba rnams su 'gro ba dang skye bar mi 'gyur ro/ /thams cad kyi tshe yang 'di sangs rgyas rjes su dran pa sbyin par 'gyur ro/ /dbang ldan gyis rab tu bshad pa'i bcom ldan 'das ma rig pa'i rgyal
31b3 mo'i le'u rdzogs so/ / //'jig rten skyong ba bzhis bcom ldan 'das ma'i cho ga gsungs so/ /rig pa'i rgyal mo 'di dran pa tsam gyis bgegs thams cad rengs par 'gyur ro/ /'jig rten gyi khams 'di na mar mi shes pa dang / phar
31b4 mi shes pa yang yod de/ chos dang mi ldan pa/ sdig pa'i sems/ shes rab chung ba/ srog chags gsod pa/ drag po kha dog ngan pa/ stobs chung ba/ kyog po/ sgur po/ rje ngar sbom pa/ gzhan yang bya rog gi rje ngar 'dra ba/ bong thung dang / dang / rnga
31b5 mo dang / g.yag nag po lta bu/ skra ser skya/ sen mo ngan pa dang / bya rog gi skad dang / de bzhin du gzhan yang bum lto can dang / dri ma can dang / gang yang gzhan nad kyis gzir ba rnams te/ 'di rnams kyis ji skad bshad pa'i rig pa mi 'grub bo// //bdag cag gi
31b6 bden pa'i tshig gis ji ltar sngar gyi las zad par byas nas de nas rig pa bsgrub par bya'o/ /rgan po'am/ zhar ba'am/ long ba'am/ rgur po'am/ kyog po'am/ de lta bu rnams kyis so/ /slar yang tsan+dan dkar po la byas pa'i bcom ldan 'das ma bde bar
31b7 gshegs pa'i khru gang gi tshad du byed du gzhug ste/ ri mo mkhan gso sbyong la gnas pas ma 'dres pa'i tshon gyis 'drir gzhug par bya'o/ /de nas des rgya mtsho'i 'gram du bzhugs su gsol nas dus gsum du khrus bya zhing slong mo za zhing / gu gul gyi bdug pa bsregs
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po