rKTs

e-texts navigator

Volume

Page

31a₁ 'gyur ro/ /rig pa 'dzin pa bye bas yongs su bskor zhing bskal par gnas so/ /gang gi tshe 'chi ba de'i tshe dri ma med pa'i 'jig rten gyi khams su skye bar 'gyur ro/ /pri yang+ku'i shing las byung ba'i bcom ldan 'das ma khro gnyer can ma ri mo
31a₂ mkhan gso sbyong la gnas pas rgyu skar rgyal la ma 'dres pa'i tshon gyis 'drir bcug nas de'i spyan sngar rig pa 'dzin pas mi smra bas rig pa 'bum phrag drug bzlas par bya'o/ /de nas dur khrod nas skyes pa'i ro blangs nas dri bzang po'i dri rnams kyis khrus byas nas
31a₃ legs par bsdams pa shar du mngon par phyogs par gzhag par bya'o/ /de nas sgrub pa pos me tog la sogs pas mngon par mchod nas gtor ma rgya chen po byin te ku sha'i khres la nye bar 'dug pas rin po ches bkab la bcom ldan 'das mas lan bdun bsngags
31a₄ pa byas la ro langs kyi khar sreg blugs lan nyi shu rtsa brgyad sbyin sreg bya'o/ /ro'i kha gdangs par 'gyur ro/ /sgrub pa pos thabs su rkang pa'i mthe bong la seng ldeng gi phur bu sor brgyad pa bcom ldan 'das mas lan bdun mngon par bsngags nas
31a₅ gzugs par bya'o/ /slar yang sgrub pa pos ji srid khru gang gi tshad kyi lcer song gi bar du rig pa bzlas par bya'o/ /'brug gi sgra grags kyang skrag par mi bya'o/ /de nas rig pa 'dzin pas thabs su bzlas pa bya zhing ka ra bI ra dkar po'i me tog gis ro langs
31a₆ kyi dpral ba'i phyogs su gzhu bar bya ste gnon par 'gyur ro/ /de'i lce'i rtse mo rin po che kun tu mthong ste 'bar ba'i phreng ba dang ldan pa mdzes bzhin pa rig pa bzlas la blang bar bya'o/ /blangs pa tsam gyis skra li zhing 'khyil ba dang lo brgyad gnyis lon pa'i rig pa
31a₇ 'dzin pa'i 'khor los sgyur bar 'gyur te/ gang zhig bsam pa de thams cad du skye ba ni ma gtogs so/ /zag pa zad pa nyid/ bskal par gnas shing rin po ches kyang mgo dang / mgo la brgyan par dpag tshad brgya stong phrag brgyad cur kun tu snang bar byed do/ /

_{iiif viewer powered by OpenSeadragon}

30b - 31b

Texts on this page