rKTs

e-texts navigator

Volume

Page

30b₁ lon pa'i rnam pa/ lag na mdung thung can rig pa 'dzin pa thams cad 'di'i dbang du 'gyur te/ 'khor los sgyur ba rnams kyi gang mthong nas lta bar byed pa ni ma gtogs so/ /de rnams kyis lhan cig 'phur bar byed de sum cu rtsa gsum du rnam par rgyu bar 'gyur ro/ /
30b₂ bskal par gnas shing gang gi tshe 'chi ba de'i tshe 'og min pa'i lha'i bu rnams su skye bar 'gyur ro/ /seng ge sgrub par 'dod na sngar bzhin du rig pa 'dzin pas 'o ma'i zas dang mi smra ba'i brtul zhugs kyis rig pa'i spyod pa'i rig pa 'bum phrag lnga bzlas par bya'o/ /
30b₃ de nas thog phog pa'i shing 'o mar zhag bdun gzhag par bya'o/ /sa dkar po dang tsan+dan gyi chur mnye bar bya ste thog phog pa'i shing gis so/ /de nas rig pa 'dzin pas rgyu skar rgyal la seng ge gnyis so/ /phyi nas sangs rgyas dang chos dang dge 'dun
30b₄ la mchod pa rgya chen po bya zhing rnam pa sna tshogs pa'i gtor ma bya'o/ /de nas rig pa 'dzin pa gtsang mas gos gtsang ma bgos te ku sha'i khres la nye bar 'dug ste/ lag pa g.yas pas seng ge mnan nas rig pa snying po mnyam par 'gro ma bzlas par bya'o/ /
30b₅ ji srid seng ge g.yo ba'i bar du'o/ /g.yos pa tsam la yangs 'gul te yang dag par bzlas la 'jigs par mi bya bar slar yang lha'i rnga bo che'i sgra sgrogs kyi bar du rig pa bzlas par bya'o/ /de nas rig pa 'dzin pas lan bdun mngon par bsngags pa'i me tog
30b₆ rnams kyis seng ge la bsnun par bya'o/ /kun tu bsnun pas seng ge seng ge'i sgra sgrogs par byed de/ sgrub pa po can gzhan gyis nges par bsam par 'gyur ro/ /de nas rig pa slar yang bzlas par bya zhing seng ge la zhon nas 'gro bar bya'o/ /zhon pa tsam
30b₇ gyis rig pa 'dzin pa thams cad me tog mngon par 'thor bar byed do/ /seng ge la zhon bzhin du rlung ltar 'gro'o/ /gang gi tshe seng ge sgra sgrogs par byed pa de'i tshe sum cu rtsa gsum pa'i lha rnams stan las lhung ngo / /lha ma yin gyi bu mo rnams kyang dbang du

_{iiif viewer powered by OpenSeadragon}

30a - 31a

Texts on this page