rKTs

e-texts navigator

Volume

Page

26b₁ mo'i cho ga gsungs shig / de nas yang tshangs pa chen pos cho ga gsungs pa/ rigs kyi bu gang la la rig pa'i rgyal mo smra bar gyur pa'am 'chang bar gyur pa de la bdag rtag tu rjes su 'brang bar bgyi'o/ /gang dang gang du skye ba de dang der/ bdag 'di la sangs rgyas
26b₂ rjes su dran pa rjes su sbyin par bgyi zhing / rtag tu skye ba dran par 'gyur ro/ /rigs dma' bar skye bar mi 'gyur ro/ /bklags pas las rnams 'grub par 'gyur ro/ /chom rkun gyi dbus su song bas yid la bya'o/ /sbrul gyi 'jigs pa dang / gnam
26b₃ lcags ltung ba la lan cig brjod par bya'o/ /khros pa'i mdun du dran par byas na dpal rab tu ster ro/ /gdon gso bar 'dod na lan bdun mngon par bsngags la srang gis bsregs par byas na grol lo/ /phyag rgya dbye bar 'dod na gdong la lan bdun mngon par bsngags
26b₄ nas blta par bya ste phyag rgya dbye ba byas par 'gyur ro/ /yungs kar la dkyil 'khor bcings ba'o/ /phur bus khang sbyong ba'o/ /phur bu nyid kyis mtshams bcings pa'o/ /gang du rdo rje gnas pa'i gnas der bcom ldan 'das ma'i snying po mnyam
26b₅ par 'gro ma lan brgyad brgyar bzlas par bya'o/ /rdo rje rnams bcings ba byas par 'gyur ro/ /rdo rje dbye bar bya bar 'dod na/ dug dang / ling ga dang / ka ra bI ra'i me tog dang / lug gi rwa ste 'di rnams cha mnyam par byas la rig pa brgyad brgyar mngon par
26b₆ bsngags par byas nas rdo rje'i me la de rab tu byug par bya'o/ /rdo rje rnam par dbye ba byas par 'gyur ro/ /nor sgrub par 'dod na snga ma bzhin du sngon spyad pa byas la ri mo mkhan gso sbyong la gnas pas ma nyams pa'i ras skra dang bral ba la sangs rgyas bcom ldan
26b₇ 'das kyi gzugs brnyan chos ston par mdzad bzhin pa 'drir gzhug par bya'o/ /g.yas su 'phags pa spyan ras gzigs dbang phyug ston ka'i sprin ltar dkar ba ral pa'i cod pan 'chang ba/ 'od dpag med dbu la bzhugs pa/ rgyan thams cad kyis rnam

_{iiif viewer powered by OpenSeadragon}

26a - 27a

Texts on this page