| e-texts navigator |
| བོད་ཡིག |
264b1 rmi lam lta bur gsang sngags gang 'dod pa yid la sems shing bzla bar bya'o/ /gzhan du na log par 'dren pa rnams zhugs par gyur nas rig pa'i lha mngon du mi 'gyur ro/ /gzhan gyi gos la reg par mi bya zhing bgo ba gsum byas te/ gcig gyon la khrus bya'o/ /gnyis
264b2 pas bzla bar bya'o/ /gsum pas mtshan mo gyon par bya'o/ /skyil krung gis gnas te rig pa'i lha'i mtshan ma mthong nas til dang mar bsres pa'i sreg blugs bya'o/ /rig pa'i stobs 'phel bar 'gyur ro/ /til med na dan tu la dang / sran ma sha dang / mud
264b3 ga rnams kyis bya'o/ /nya dang sha dang chang btung bar mi bya ste/ nyes pa des log par 'dren pa rnams kyis zil gyis gnon par 'gyur ro/ /rtag tu sangs rgyas dang / chos dang / dge 'dun la bsnyen bkur ba dang ldan pas byang chub kyi sems chen po bskyed par
264b4 bya'o/ /dam tshig shes par gyur pas 'di ltar byas na ring po mi thogs par 'grub par 'gyur ro/ /rig pa 'dzin pas sngar bshad pa bya'o/ /rtag tu lha thams cad la bdug pa dang / lha bshos kyi 'bras chan rang gi lag gis dbul bar bya'o/ /zlos pa na kha shar du
264b5 phyogs te bris sku bris pa'i sngon du bzlas par bya'o/ /bris sku'i tshad chen po khru bcu pa'i ras la'o/ /de'i phyed dang phyed la 'bring dang tha mar 'gyur ro/ /skabs 'dir rig pa 'dzin pas sngar bshad pa rnams bya'o/ /gal te brgya la rdzas sam/ gos sam/ rgyan
264b6 ster na de gzung bar mi bya ste/ 'bras bu tsam bzung na yang gsang sngags 'grub par mi 'gyur ro/ /chu nyung dus bkru bar mi bya zhing rkang pas me la reg par mi bya la sen mos sa la ri mo bri bar mi bya zhing / lha'i khang pa'i grib ma la 'gom par mi bya ste/ 'di lta bu'i yon tan
264b7 dang ldan zhing de dag dor ba'i sngags pas myur du rig sngags 'grub par 'gyur ro/ /'phags pa rdo rje sa 'og gi rgyud las rig sngags kyis 'dul ba zhes bya ba rdo rje khro bos yongs su zhus pa'i le'u ste nyi shu gsum pa'o// //de ru 'bad pas 'jug pa na/ /khang
iiif viewer powered by OpenSeadragon
Texts on this page
D744 - 'phags pa rdo rje sa 'og gi rgyud kyi rgyal po zhes bya ba