rKTs

e-texts navigator

Volume

Page

261a₁ dang / /pu nar na ba khyab 'jug gnon/ /de dag rnams las bdug pa bya/ /rlung gi 'khrul 'khor bzlog par 'gyur/ /'di ni bcom ldan 'das rdo rje 'dzin pas bka' stsal to/ /'phags pa rdo rje sa 'og gi rgyud las 'khrul 'khor 'joms pa rgyal ba zhes bya
261a₂ ba'i le'u ste nyi shu gnyis pa'o/ / //de nas rdo rje khro bos bcom ldan 'das la 'di skad ces gsol to/ /bcom ldan 'das nyid kyis rnam par rgyal ba rdo rje'i rgyud chen po bka' stsal lags na/ bdag kyang rig pa 'dzin pa rnams la sman pa'i slad du bshad pas bcom ldan
261a₃ 'das la zhu'o/ /bcom ldan 'das rig pa 'dzin pa ji ltar gnas par bgyi/ ji ltar rig pa bsgrub par bgyi/ /de skad ces gsol pa dang / bcom ldan 'das phyag na rdo rje gsang ba pa'i bdag pos rdo rje khro bo la 'di skad ces bka' stsal to/ /rdo rje khro bo khyod kyis sems can
261a₄ thams cad la phan pa'i phyir rig pa 'dzin pa 'grub pa'i rgyu dris pa legs so legs so/ /rig pa 'dzin pas ji ltar rig pa bsgrub pa rdo rje khro bo nyon cig /de la re zhig dang por rig pa 'dzin pas bslab pa'i gnas lnga yongs su bzung la byang chub kyi sems bskyed de/ byams pa chen
261a₅ po dang / snying rje chen po dang / dga' ba chen po dang / btang snyoms chen po la gnas pa de'i rig pa 'dzin pa'i 'dul ba ngas bshad par bya'o/ /dang por re zhig bzlas pa'i phreng ba yongs su bzung ste/ nor bu dang / bu yis 'tsho ba dang / drag po'i ril bu dang / tsan+dan
261a₆ dmar po dang / rdo rje'i mig rnams las drag po'i mig khyad par du 'phags pas de brgyu ba'i sngags su gyur pa ni/ na mo badzra pA Na ye/ o~M ki ri ki ri rauM dri Ni swA hA/ sngags 'dis phreng ba brgyu bar bya'o/ /de nas slob dpon las gnang ba nod de/ slob dpon la phul du byung ba'i yon
261a₇ phul la sngags bzla bar bya'o/ /de lta bu'i bya ba dang ldan pas sngags bsgrubs pas nges par 'grub par 'gyur ro/ /bgegs rnams kyis bar du gcod par mi 'gyur ro/ /dkyil 'khor du ma zhugs na tshig tsam yang sbyin par mi bya na/ sngags 'grub pa lta ci smos/ de lta

_{iiif viewer powered by OpenSeadragon}

260b - 261b

Texts on this page