rKTs

e-texts navigator

Volume

Page

25b₁ bya ste/ pri yang+ku ltar sngo bsangs rgyan thams cad kyis rnam par brgyan pa/ snying po'i yang g.yas pa'i phyag gis rdo rje'o/ /de nas sgrub pa po ri'i rtse mor mngon par 'dzegs te mi smra bas grogs med par yang rung ste 'bum phrag bcu drug bzlas par bya'o/ /de nas
25b₂ l nga la gtsang mas gos gtsang ma bgos te ras ris la mchod pa rgya chen po byas nas mar gyi mar me sbar te de nas sgrub pa pos bsrung ba'i cho ga byas pas ku sha'i khres la nye bar 'dug ste rtse mo ma bcad pa'i ku shas sor brgyad pa'i tshad kyi rtse gsum pa'i rdo rje byed du gzhug
25b₃ go/ /rdo rje de lag pa g.yas pas mnan nas ji srid bcom ldan 'das ma la 'od zer byung ba de srid du bzlas par bya'o/ /rdo rje'i tsi Ti tsi Ti'i sgra thos te 'jigs par mi bya bar slar yang yud tsam rig pa bzlas par bya'o/ /ji srid rnga bo che'i sgra thos pa na slar yang yud
25b₄ tsam du rig pa bzlas par bya'o/ /rig pa 'dzin pa thabs su mar dang sbrang rtsis btags pa'i byang chub shing gi yam shing gis sbyin sreg brgyad brgya bya'o/ /sbyin sreg yongs su rdzogs nas kyang ji srid rdo rje la 'od zer 'byung gi bar de srid du bzlas par bya'o/ /des
25b₅ dus gsum du khrus byas pas skra li zhing 'khyil ba/ lo brgyad gnyis lon pa'i rnam pa/ phyag na rdo rje gnyis pa lta bu/ sngo bsangs dang ba'i lus su gyur nas bskal bar gnas so/ /gang gi tshe 'chi ba de'i tshe rdo rje'i rigs su skye bar 'gyur ro/ /de nas lcags kyu
25b₆ sgrub par 'dod na sngon bzhin du sgrub pa pos sngon spyod par bya'o/ /'o ma dang zan za zhing mi smra bas ba lang gi gnas su ku sha bting ba'i mal stan la gtsang zhing gos gtsang ma bgos te/ dus gsum du khrus byas la snying po mnyam par 'gro ma bzlas par bya'o/ /de nas rgya
25b₇ mtshor 'gro ba'i chu klung du song nas slong mo za zhing rked pa tsam gyi chur zhugs nas 'bum bzlas par bya'o/ /dge 'dun la bza' ba dbul bar bya'o/ /de nas ri mo mkhan gso sbyong la gnas pas gzugs brnyan 'drir gzhug par bya ste/ g.yas su 'phags pa spyan ras

_{iiif viewer powered by OpenSeadragon}

25a - 26a

Texts on this page