| e-texts navigator |
| བོད་ཡིག |
254a1 me 'od dang ni ltas chen po/ /mthong nas zug rngu med pa'i sems/ /rdo rje lta bur brtan pa yis/ /bsgrub par dka' yang bsgrub par bya/ /'phags pa rdo rje sa 'og gi rgyud las 'khrul 'khor brtag pa'i le'u ste bcu bzhi pa'o// //de nas gzhan yang
254a2 dpal gyi sgor 'jug pa'i rim par phye bar gyur pa ni/ 'khrul 'khor gyi ni drung 'gro ba/ /shin tu myur dang bul min par/ /rkang pa 'jog cing 'bad pa yis/ /kun nas 'khrul 'khor blta bar bya/ /gang tshe 'khrul 'khor g.yo ba dang / /'gul ba dang ni ldeg
254a3 pa'am/ /yang na mtshon cha thogs pa ste/ /mda' dang shag ti dbyug gu dang / /ral gri 'khor lo mtshon cha yi/ /'khrul 'khor gyis ni gang mthong zhing / /gri gug spu gri'i so dag dang / /de bzhin lug las sogs 'gro ba/ /de lta'i rnam pa mthong na ni/ /phyag
254a4 rgya legs par bcing bar bya/ /yungs kar skya bo nyid dam ni/ /thal ba la yang khros pa yis/ /khro bo lan bdun bzlas nas su/ /'khrul 'khor la ni mkhas pas bsnun/ /gdon mi za bar de ltung ngo / /lha yi khang par 'jug par bya/ /gang dag lha chen por
254a5 gyur pa/ /der ni gtor ma mthong / /ji ltar bkres kyang mi bza'o/ /de nyid du ni nges mthong ba/ /skad cig tsam yang mi 'gul zhing / /de tshe de ni mi smra ste/ /lha min stong gis rgyas btab pas/ /de mthong nas ni rus sbal gyi/ /rgya ldan lan bdun
254a6 bzlas pas g.yo/ /de ni rang bzhin dang ba yis/ /gus dang bcas pas phyag 'tshal te/ /legs par byon tam dpa' bo rnams/ /ci bde bar yang 'jug par mdzod/ /grub pa'i cho ga'i sbyor ba rnams/ /rin chen rnam pa du ma dang / /dngul chu dang ni bcud len
254a7 dang / /nor bu rnams dang bud med dang / /gzhan yang nang na gang ba yi/ /ral gri dang ni mtshon cha rnams/ /de dag gi ni lag pa nas/ /bzung nas ji ltar bde bar ston/ /phyag na rdo rje'i byin brlabs kyis/ /der ni ji ltar 'dod par bya/ /der ni ji tsam
iiif viewer powered by OpenSeadragon
Texts on this page
D744 - 'phags pa rdo rje sa 'og gi rgyud kyi rgyal po zhes bya ba