| e-texts navigator |
| བོད་ཡིག |
252b1 bka' stsal to/ /de nas bud med rnams phyi rol du dgug par 'dod na dpal gyi bu ga'i sgor rdo rje khro bo de nyid bzhag la dur khrod kyi shing la me sbar te/ rdo rje de lag pa g.yon par bzung la g.yas pa ma yin pa'i lag pas yungs kar skya bo rnams stong phrag brgyad du sbyin sreg
252b2 bya'o/ /de nas bud med rnams 'ong bar 'gyur ro/ /lag pa nas bzung ste 'jug par byed do/ /yang na gang 'dod pa de ster bar 'gyur ro/ /'bum phrag nyi shu rtsa gcig tu bzlas pas ri mo mkhrang po rnam pa sna tshogs 'joms par 'gyur ro/ /'di ni bcom ldan
252b3 'das rdo rje 'dzin pas bka' stsal to/ /'phags pa rdo rjes 'og gi rgyud las rdo rje sgrub par byed pa'i le'u ste bcu gnyis pa'o// //sman 'di sgrub pa pos ci nas kyang bsgrub par bya'o/ /bgegs rnams dang log par 'dren pa med par byed do/ /zla ba shar ba dang /
252b4 dbang po lag pa dang / sing g+h+ri dang / b+h+yA g+h+ri dang / lag pa bzhi pa dang / b+ha ra ha karni ka dang / ga dzA da ka dang / ra tsa ni dang / ru rta dang / gur gum dang / dung gi phye ma rnams glang po'i gcin gyis sbrus la/ ji ltar 'dod pa'i ril bu bya'o/ /dri dang / me tog
252b5 dang / gtor ma dang / bdug pa rnams gnas rnams su bzhag la chu 'chag pa dang / dri ma 'dor ba na ras kyis bcing bar bya'o/ /dri dang me tog la sogs pa rnams kyis mchod par bya'o/ /gzhan du na log par 'dren pa rnams zhugs te ma rung bar byed par 'gyur ro/ /
252b6 bshad ma thag pa'i sman gyis log par 'dren pa la sogs pa thams cad rnam par nyams nas phan tshun lta zhing 'di skad ces/ 'di ni ji srid sman yod pa de srid 'gro bar mi bya'o zhes smra zhing phyogs dang nye ba'i phyogs rnams su 'byer bar 'gyur ro/ /dpag tshad gcig gi
252b7 khongs su bgegs ldang bar mi 'gyur ro/ /las thams cad kyang 'grub par 'gyur ro/ /gang yang rig pa 'dzin pas dus gsum du nye bar byugs na de la 'ga' zhig gis kyang 'jug par mi nus so/ /bA la ka dang / sA ri ba dang / lo bra ma dang / lA ngag li dang /
iiif viewer powered by OpenSeadragon
Texts on this page
D744 - 'phags pa rdo rje sa 'og gi rgyud kyi rgyal po zhes bya ba