rKTs

e-texts navigator

Volume

Page

24b₁ shing las byung ba'i phyag na rdo rje byas la/ sman gyis gzugs kyi rnam pa'i bcom ldan 'das ma pri yang+ku'i shing las byas pa snying po mnyam par 'gro ma byed du gzhug go/ /spyan ras gzigs dbang phyug nim pa'i shing las byung ba byed du gzhug go/ /thams cad
24b₂ kyang pan kan mthar byed kyi 'bras bu la so sor dgod par bya'o/ /sgrub pa po pus mo btsugs pa lag na spog por thogs pa byed du gzhug go/ /de nas gos gtsang ma bgos te mi smra ba'i brtul zhugs kyis snying po mnyam par 'gro ma 'bum phrag bcu gcig tu bzlas par
24b₃ bya'o/ /de lta bus sngon spyad pa byas bar 'gyur ro/ /de nas lnga pa la mtshan mo gsum smyung bar gnas te maN+Dal dang bcas pa bza' zhing dge 'dun la ston mo dbul bar bya'o/ /de nas mtshan mo sangs rgyas bcom ldan 'das la mchod pa rgya chen po byas nas 'bras
24b₄ bu dang bcas pa'i gtor ma rnam pa sna tshogs pa rjes su dbul zhing mar me stong sbar bar bya'o/ /de nas bsrung ba byas nas ku sha'i khres la nye bar 'dug ste ut+pa la'i phreng ba nyi shu byas te 'phags pa spyan ras gzigs dbang phyug gi phyag g.yas su phul la ji srid
24b₅ thams cad mthong bar 'gyur ba de srid du bzlas par bya'o/ /'jigs par mi bya bar slar yang rig pa bzlas par bya'o/ /g.yo bar gyur pa dang / de dag blangs pas ut+pa la sngon po'i 'dab ma ltar sngo bsangs kyis rdo rje'i lus dang / rig pa 'dzin pa thams
24b₆ cad kyi skal ba bzang por 'gyur zhing / lo stong phrag brgyad cur 'tsho bar 'gyur ro/ /dpag tshad stong phrag brgyad cu rtsa bzhir lding bar 'gyur ro/ /gang gi tshe 'chi ba de'i tshe rdo rje'i rigs su skye bar 'gyur ro/ /mnyams pa'i ras la ri mo mkhan gso sbyong can gyis
24b₇ bcom ldan 'das ma khro gnyer can ma 'drir gzhug par bya ste/ sngo bsangs spyan gsum pa'i lha mo cha byad dang rgyan ma nyams pa 'drir gzhug par bya'o/ /'og tu rjes su sgrub pa po lag na spos phor thogs par bya'o/ /de nas sgrub pa pos ras ris kyi spyan sngar rig

_{iiif viewer powered by OpenSeadragon}

24a - 25a

Texts on this page