rKTs

e-texts navigator

Volume

Page

24a₁ 'drir gzhug par bya'o/ /dkar gsum za zhing ras ris kyi spyan sngar rig pa 'bum phrag bdun bzlas par bya'o/ /de lta bu sngon spyad pa byas par 'gyur ro/ /de nas las yang dag par brtsams te sngon du ldong ros blangs te gos kyi nang du 'o ma bkru bar
24a₂ bya'o/ /dkar po'i lnga la ras ris la mchod pa rgya chen po byas nas sgo bzhi rnams su bum pa gang ba bzhi gzhag par bya'o/ /thams cad kyang me tog gis brgyan par bya/ bcom ldan 'das ma 'di nyid kyis las thams cad bya'o/ /de nas ku sha'i khres la nye bar
24a₃ 'dug ste a shwat+tha'i 'dab ma bdun gyis ldong ros btums te bzhag nas ji srid 'phags pa phyag na rdo rje g.yo bar gyur pa de srid du bzlas par bya'o/ /de nas rig pa 'dzin pas yid kyis mchod yon dbul bar bya'o/ /slar yang du ba 'thul ba dang / 'bar bar gyur pa de
24a₄ srid du bzlas par bya'o/ /'bar ba dang blangs nas skra li zhing 'khyil ba/ lo brgyad gnyis lon pa'i rnam pa can/ rig pa 'dzin pa bcu drug gis yongs su bskor bar 'gyur te/ lo stong phrag brgyad cu 'tsho bar 'gyur ro/ /gang gi tshe 'chi ba de'i tshe rdo rje'i rigs su skye
24a₅ bar 'gyur ro/ /tshes grangs mi dgos/ rgyu skar mi dgos/ smyung bar gnas pa mi dgos te skyes bu rgya mtsho'i 'gram du mgo bo shar du bzhag nas shi ba'i ro blangs nas dri dang me tog la sogs pas brgyan par byas nas sgrub pa po kha shar du phyogs pas re re la so sor
24a₆ bsam pa'i yid kyis rgyud mtshungs pa'i ba'i mar gsar la rig pa bzlas pas ro'i kha ru blugs nas ji srid kun tu g.yo zhing ldang ba de srid du rig pa bzlas par bya'o/ /de nas rig pa 'dzin pas rgya mtshor 'jug par bya ste ji srid nyi ma 'char bar 'gyur ba de srid du chur gnas
24a₇ par bya'o/ /de tsam gyis skra li zhing 'khyil ba lo brgyad lon pa'i rnam pa can sems bskyed pas 'di'i phyag ca thams cad 'byung bar 'gyur ro/ /lo stong phrag drug cur 'tsho bar 'gyur ro/ /dpag tshad stong phrag bcu gcig tu 'phur bar 'gyur ro/ /thog phog pa'i

_{iiif viewer powered by OpenSeadragon}

23b - 24b

Texts on this page