rKTs

e-texts navigator

Volume

Page

246b₁ phyir/ /rdo rje khro bo'i dam tshig 'di sgrogs shig /de nas lag na rdo rje stan las langs te bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das la btud nas thal mo sbyar te phyag byas nas rdo rje khro bos smras so/ /smras pa tsam
246b₂ gyis rdo rje khro bo'i rgyal po me lce gcig tu 'bar te/ 'jig rten gsum bkang nas sgra chen po phyung ngo / /de nas de lta bu'i mtshan ma chen po des lha ma yin 'khor dang bcas pa thams cad 'dir lha dang lha ma yin rnams g.yul 'gyed par gyur to snyam du sems te/ lha ma yin rnams
246b₃ la thags zangs ris dang / stobs can dang / rnam par snang byed dang / rab bde dang / bde mchog dang / dus kyi mu khyud dang / dbyig za dang / rus sbal la sogs pa 'khor dang bcas pa dang / gzhan yang bgrod dka' chen po dang / glog gi lce dang / sgra gcan
246b₄ dang / snang ba'i phreng ba can dang / 'phrog byed ser skyal sogs pa dang / dang / lha ma yin gyi rjes su dpyod pa dpung dang bcas pa bzhon pa dang bcas pa 'dus te/ bcom ldan 'das ga la ba der lhags so/ /lha rnams kyis kyang de lta bu'i mtshan ma chen po de
246b₅ mthong nas lha'i tshogs gzhan rnams dang rang rang gi rnam par rtog pa ji lta de ltar lha rnams kye dbang po la smra zhing / bcom ldan 'das ga la ba der lhags te thal mo sbyar nas phyogs gcig tu 'khod do/ /de nas bcom ldan 'das kyis gsang ba pa'i bdag po lag na rdo rje la bka' stsal
246b₆ pa/ lag na rdo rje gang 'dir dus la bab par shes na deng 'dir sa 'og gi dbang bskur ba rnga'i sgra dbyangs zhes bya bas byin gyis rlobs shig /skye bo mang po la phan pa dang don dang bde bar 'gyur ro/ /bcom ldan 'das bdag gis theg pa chen po la dad pa dang ldan pa'i rigs kyi
246b₇ bu'i don du dam tshig bstan pas byin gyis brlabs lags kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis byin gyis brlab tu gsol/ de bzhin gshegs pa gzhan gyis kyang byin gyis brlabs lags so/ /de bdag

_{iiif viewer powered by OpenSeadragon}

246a - 247a

Texts on this page