| e-texts navigator |
| བོད་ཡིག |
224a1 bi shu da d+he/ sho d+ha ya bi sho d+ha ya hU~M phaT swA hA/ de nas sangs rgyas nyid kyis su/ /lha mo nyid la rab tu bstod/ /thugs rje shin tu che bas 'gro ba'i don mdzad ma/ /mtshan dang dpe byad rdzogs shing rin chen rgyan gyis spras/ /shin tu mdzes tshul 'dzum
224a2 zhing bzhad pa'i bzhin/ /spyan gyi skye mched zar ma'i pad+ma 'dra/ /snyan gyi skye mched ug cos bye ba 'dra/ /shangs kyi skye mched ut+pal bum bu 'dra/ /zhal gyi mched ha lo rgyas pa 'dra/ /sna tshogs sku mnga' na chung mtshan ldan sku/ /chos kyi sgra sgrogs ka la ping
224a3 ka'i gsung / /sems can kun la byams mgon thugs rje'i thugs/ /'khor ba'i skyon gyis ma gos pad+ma g.yon/ /sems can don rnams mdzad phyir skyabs sbyin g.yas/ /thabs dang shes rab nyi zla'i gdan la bzhugs/ /rje btsun sgrol ma la ni skyabs
224a4 su mchi/ /'khor ba'i g.yang sa che las bdag skyobs shig /'gro drug rang kha'i gnas su 'khor ra re/ /thugs rje chen mo'i zhags pas bdag zung shig /ngan song gsum gyi gnas su shor ra re/ /'khyams med pa yi lam du bdag chug shig /log par
224a5 lta ba'i rigs su skyes sa re/ /bla ma byang sems mnga' dang bdag sprod cig /bshes gnyen ngan pa dag dang phrad ta re'o/ /seng ge glang chen me dang sbrul/ /mi rgod chu dang rims rnams dang / /sha zas 'jigs pa brgyad po las/ /skyob mdzad khyed la phyag
224a6 'tshal lo/ /'jig rten 'di dang gzhan dag tu/ /'jigs pa brgyad las bskyab tu gsol/ /pha rol 'bras bu ma thob bar dag tu/ /sbyin dang tshul khrims bzod pa brtson 'grus dang / /bsam gtan shes rab thabs dang smon lam dang / /stobs dang de
224a7 bzhin ye shes pha rol phyin/ /bcu po de dang mi 'bral 'grogs par shog /rigs kyi bu'am rigs kyi bu mo gang la las chos 'di bri ba dang / bklag pa dang / kha ton dang / kun chub pa dang / tshul bzhin du yid la bya ba dang / gzhan dag la yang rgya cher bstan par
iiif viewer powered by OpenSeadragon
Texts on this page
D731 - 'phags ma sgrol ma 'jig pa brgyad las skyob pa'i mdo