rKTs

e-texts navigator

Volume

Page

21b₁ pas grub par mi 'gyur ro/ /de nas rig pa 'dzin pa rang nyid kyis rigs sngags zlos bzhin pas ri mo mkhan khrus byed du gzhug go/ /bkrus nas de la yang gos rab tu sbyin par bya ste ji srid 'dri ba'i bar ro/ /ri mo mkhan gso sbyong la gnas par bya zhing /
21b₂ 'dri bzhin pa na yang ras kyi mthar rnam pa sna tshogs pa'i gtor ma dbul bar bya zhing / bum pa gang ba bzhi gzhag par bya'o/ /dbus su yang dkyil 'khor gru bzhi pa bya'o/ /der yang bum pa gang ba gzhag par bya'o/ /bum pa de rnams thams cad kyang me tog gis
21b₃ brgyan par bya'o/ /mar me'i phreng ba yang dbul lo/ /rig pa 'dzin pas rig pa yid la byed cing bdug spos bsreg par bya'o/ /de nas ri mo mkhan gyis de bzhin gshegs pa thams cad dang / byang chub sems dpa' thams cad la phyag byas nas tshangs
21b₄ pa'i ri mo gdab par bya'o/ /de nas slar yang rig pa 'dzin pas kha shar du mngon par phyogs pas nye bar zhugs nas ras ris kyi spyan sngar a pA marga'i yam shing gis sbyin sreg stong phrag brgyad bya'o/ /de nas ri mo mkhan gyis lha la phul ba'i ston mo zos pas
21b₅ ma 'dres pa'i tshon gyis de bzhin gshegs pa dgra bcom pa yang dag par rdzogs pa'i sangs rgyas 'od dpag med kyi gzugs brnyan 'drir gzhug par bya'o/ /gser mdog pad+ma dkar po'i gdan la bzhugs pa'o/ /g.yas su 'phags pa spyan ras gzigs
21b₆ dbang phyug ston ka'i sprin ltar dkar ba la ral pa'i cod pan 'phyang ba/ spyan gsum pa/ dpral ba nas 'od zer 'byung ba/ pad+ma la gnas pa'o/ /de'i rgyab tu rig pa'i lha mo gos dkar po bgos pa/ pad+ma rab tu 'thor bzhin pa 'drir gzhug par bya'o/ /de'i bar
21b₇ ma chad par khro gnyer can ma gos dkar po 'chang ba 'drir gzhug par bya'o/ /g.yas su bcom ldan 'das ma thugs rje chen po pri yang+ku ltar sngo bsangs phyag na rin po che bsnams pa 'drir gzhug par bya'o/ /de nas thams cad kyang bde bar gshegs pa'i mtho

_{iiif viewer powered by OpenSeadragon}

21a - 22a

Texts on this page