rKTs

e-texts navigator

Volume

Page

216b₁ gsum pa'o/ / //de nas rig sngags kyi sbyor ba gnon par byed pa'i 'khor lo ni yung ba'i khu bas g.yam pa'am/ lhang tsher ma gnyis gang yang rung ba la 'khor lo bris te/ ling tshe dgu pa phyi nang dang bcas pa bri'o/ /sngags dgod pa ni/ dbus su wa swA staM b+ha ya
216b₂ staM b+ha ya hA/ 'khor lo nang ma la/ wa wa wa wa wa wa wa wa/ zhes bya ba bri'o/ /phyi ma la/ wa oM wa/ wa tA wa/ wa re wa/ wa tuta wa/ wa tA wa/ wa re wa/ wa tu wa/ wa re wa/ zhes bya ba bris te phan tshun g.yas g.yon du 'khor lo re re sbas na gnon
216b₃ par 'gyur ro/ /rig sngags kyi sbyor ba gnon pa'i le'u ste sum cu rtsa bzhi pa'o// //de nas bcom ldan 'das la byang chub sems dpa' 'jam dpal gzhon nus me tog man dA ra ba dang pad+ma dang / ku mu da la sogs pa bsam gyis mi khyab pas bcom ldan 'das la
216b₄ gtor to/ /lha rdzas kyi rol mo'i sgra du ma yang bsgrags so/ /de nas bcom ldan 'das la gsol pa/ dam tshig kyang gang gis 'grub par 'gyur zhes zhus pa dang / bcom ldan 'das kyis bka' stsal pa/ so so'i dam tshig sdom gnas te/ /lha yi
216b₅ 'khor lo dang ldan pas/ /srog chags dag ni gsad pa spangs/ /ma byin blang bar mi bya zhing / /bud med mi bsten smad mi bya/ /ni rnam pa kun tu spang / /myos 'gyur dag dang sha dag dang / /rku zhing rnam pa rtag tu spang / /mo rnams thams cad
216b₆ kun la ni/ /chags pa'i sems ni spang ba ste/ /ma bzhin du ni kun la ni/ /phan pa'i sems kyis kun la bkur/ /dam tshig sdom la gnas pa yis/ /las rnams kun la mthu yod 'gyur/ /zhes bcom ldan 'das kyis gsungs so/ /dam tshig
216b₇ dang sdom pa bstan pa'i le'u ste sum cu rtsa lnga pa'o/ / //de nas lha'i dbang po brgya byin dang tshangs pa la sogs pa'i lha dpag tu med pa dang / byang chub sems dpa' 'jam dpal gzhon nu la sogs pa'i byang chub sems dpa'i 'khor dpag tu med pa dang / lha dang /

_{iiif viewer powered by OpenSeadragon}

216a - 217a

Texts on this page