rKTs

e-texts navigator

Volume

Page

210a₁ yin gyi tshogs dang nam mkha' lding gi tshogs dang mi'am ci'i tshogs dang / mi'i tshogs dang dri za'i tshogs dang lto 'phye chen po'i tshogs dang / srin po'i tshogs thams cad kyis de'i stobs thub par mi 'gyur la/ srung ba dang skyob pa yang byed par 'gyur ro
210a₂ dus ma yin par 'chi ba dang / rtsod pa dang / rmi lam ngan pa dang / ltas ngan pa dang / rims dang / 'brum bu dang / g.yan pa la sogs pas mi tshugs so/ /nam 'chi ba'i tshe yang stobs dang ldan par 'gyur ro/ /ngan song gsum du mi 'gyur ro/ /
210a₃ 'jam dpal las des yo byad dang tshe dang bkrag dang stobs dang ldan par 'gyur ro/ /de bzhin gshegs pa mthong ba dang stobs dang ldan par 'gyur ro/ /rgyas pa'i las kyi le'u ste brgyad pa'o// //'jam dpal dbang du bsdu ba'i las ni 'di'o/ /
210a₄ dur khrod dam shing gcig gam/ chu bo chen po'i 'gram mam gtsug lag khang du bya'o/ /khang pa der ba'i rnam lngas skyong nul byas te dri zhim pos byugs pa'i maN+Dal me tog sil ma dgram par bya'o/ /yum gyi sku gzugs kyang bzhugs te pog phor dang me tog la
210a₅ sogs pa yang bsham par bya'o/ /me tog dang 'bras bu nus pa dang ldan pa'i rdzas dag rin po che'i ga 'ur bcug la maN+Dal gyi dbus su gzhag par bya'o/ /de nas bsam gtan bsgom pa ni/ tA~M las byung ba'i myur ba'i brtson 'grus dang ldan pa'i yum sgrol
210a₆ ma dpa' mo rnal 'byor ma'i lus su bsgom pa ni pad+ma las byung zhing nyi zla'i steng na sku mdog ban+du ka'i me tog ltar dmar ba gzhon nu lang tsho la bab pa lta bu'i sku do shal dang dpung rgyan dang rin po che'i chun 'phyang la sogs pas mdzes par brgyan pa/ pany+tsa li ka'i gos
210a₇ kyis smad dkris pa/ ka shi ka'i ras kyis stod g.yogs pa/ 'gying bag gi tshul gyis bzhengs pa/ zhal gcig phyag gnyis pa zhal bzhad cing cher bzhad pa spyan 'khyug pa phyag g.yas thugs ka na 'dud pa/ g.yon sdong bu dang bcas pa'i ut+pa la 'dzin pa/ sku las

_{iiif viewer powered by OpenSeadragon}

209b - 210b

Texts on this page