rKTs

e-texts navigator

Volume

Page

20a₁ gi rgyal po'i snying po rig pa'i rgyal po stong bzlas par bya'o/ /rgyud phyi ma bskyed pa zhes bya ba'i le'u dang po'o// //de nas yang byang chub sems dpa' thams cad dang / lha dang / dri za dang / klu dang / gnod sbyin dang / lha ma yin
20a₂ dang / nam mkha' lding dang / mi'am ci dang / dang / sha za dang / srul po dang / lus srul po dang / skem byad dang / smyo byed dang / gnon po dang / log 'dren thams cad dang / thams cad nas rgyal po dang / lha dang sgra 'am/ chu klung dang / rgya mtshor
20a₃ bcas pa'i lha rnams dang / sman chen po rnams bcom ldan 'das gang na ba der nye bar lhags so/ /nye bar lhags nas bcom ldan 'das kyi zhabs la mgo bos mngon par phyag 'tshal nas mtha' gcig tu 'dug go/ /de nas de rnams thams cad kyis bcom
20a₄ ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la zhu ba 'ga' zhig yongs su zhu bar 'tshal lo/ /de skad ces gsol pa dang / bcom ldan 'das kyis byang chub sems
20a₅ dpa' dang / lha rnams la 'di skad ces bka' stsal to/ /bzhin bzang dag legs so/ /gang dang gang 'dod pa dris shig /de bzhin gshegs pa dgra bcom pa yang dag par rdzogs pa'i sangs rgyas la 'di skad ces gsol to/ /bcom ldan 'das rig pa rnams
20a₆ 'char ba'am/ nub par 'gyur ba gdags pa dang / gang gi dus su rig pa rnams 'grub par 'gyur/ lha rnams kyis de skad ces gsol pa dang / bcom ldan 'das kyis 'di skad ces bka' stsal to/ /kye lha rnams rigs kyi bu gang gi tshe de bzhin gshegs pa dgra bcom
20a₇ pa yang dag par rdzogs pa'i sangs rgyas rnams 'jig rten du byung ba de'i tshe rig pa rnams 'char bar 'gyur te/ brtson 'grus dang ldan pa dang / dal zhing dal ba'i brtson 'grus dang / snying stobs dang / le lo dang / du smra ba dang / tshig rtsub po dang / srog gcod pa dang /

_{iiif viewer powered by OpenSeadragon}

19b - 20b

Texts on this page