rKTs

e-texts navigator

Volume

Page

209b₁ kyi le'u ste bdun pa'o/ / //'jam dpal rgyas pa'i las 'di'o/ /spos kyi khang pa dri zhim pa dang ldan pa'i gnas su ba ser skya'i rnam lngas skyong nul bya ste dri zhim pos byugs pa'i maN+Dal bya'o/ /me tog gi tshom bu yang dgram par bya'o/ /rgyas pa las
209b₂ byung ba'i thang ka yang dgram par bya'o/ /rin po che rnam pa lnga dang 'bru dang sman la sogs pa dag la ril bu nyi shu rtsa gcig bya ste/ rin po che'i ga 'ur bcug la maN+Dal gyi dbus su gzhag par bya'o/ /pog phor bzhi yang gzhag par bya'o/ /me tog la sogs pa
209b₃ yang gzhag par byas nas bsam gtan bsgom par bya ste/ yi ge ta~M las bskyed pa'i myur ba'i brtson 'grus dang ldan pa'i yum sgrol ma dpa' mo gcig ma rnal 'byor ma'i lus su bsgom pa ni pad+ma rgyas pa las byung zhing nyi zla'i steng du rgyas pa'i sku ston ka'i zla ba ltar gsal
209b₄ ba sprin dang bral ba'i nyi ma lta bur gzhon nu lang tsho la bab pa lta bu'i sku mdog ser po do shal dang dpung rgyan dang rin po che'i chun 'phyang la sogs pas mdzes par brgyan pa/ pany+tsa li ka'i gos kyis smad dkris pa/ ka shi ka'i ras kyis stod g.yogs pa skyil krung phyed pa dang
209b₅ bcas pa zhal gcig phyag gnyis pa zhal 'dzum zhing spyan 'khyug pa/ phyag g.yas pa mchog sbyin mdzad pa/ g.yon pa ut+pa la sdong pu dang bcas pa 'dzin pa sku las 'od 'phro zhing pad+ma'i ge sar dang bcas pa'i dkyil na bdud rtsi'i rgyun sku las 'od 'phro ba lha'i tshogs dang lha ma
209b₆ yin gyi tshogs dang nam mkha' lding gi tshogs dang mi 'am ci'i tshogs dang mi'i tshogs dang dri za'i tshogs dang lto 'phye chen po'i tshogs dang srin po la sogs pa'i stobs zil gyis gnon pa'i byang chub sems dpa' dpag tu med pa dang bcas pa bsgom ste bzlas pa 'di bya'o/ /
209b₇ oM tA re tA re tut+tA re tu re swA hA/ zhes bzlas pa bya'o/ /de nas las kyi sngags dang bcas pas lan gcig gam bdun nam nyi shu rtsa gcig gam brgya rtsa brgyad brjod nas/ gsol ba btab na 'grub par 'gyur ro/ /'jam dpal de'i phan yon ni lha'i tshogs dang lha ma

_{iiif viewer powered by OpenSeadragon}

209a - 210a

Texts on this page