rKTs

e-texts navigator

Volume

Page

193a₁ par byas nas ji srid du dro bar byed pa dang / du ba 'thul bar byed pa dang / 'bar bar byed pa de srid du bzlas par bya'o/ /dro bzhin pa la dbang du byed do/ /mi snang bar 'gyur ro/ /du ba 'thul bzhin pa la rig pa 'dzin pa gzhon nu'i mchog gcig go/ /
193a₂ 'bar bar byed pa ni rig pa 'dzin pa drug dang lhan cig 'gro ste/ rig pa 'dzin pa'i bu mo rnams kyis yongs su bskor nas lhun po'i rtse mor rtse bar byed dga' bar byed dga' mgur yongs su spyod par byed do/ /lo stong phrag lngar 'tsho bar byed do/ /gang gi tshe 'chi ba de'i
193a₃ tshe nor chen po rnams su skye bar 'gyur ro/ /skye ba dran par yang 'gyur ro/ /'di nyid kyis mig sman ldong ros sgrub par byed do/ /dkar po'i bco lnga la dpa' bo'i rin gyis nyos pa'i gi wang blangs nas mtshan mo gcig tu smyung bar gnas pas nyi ma gung la bram ze'i bu mo
193a₄ gso sbyong can gyis pad+ma'i 'dab ma ba ser skya'i 'o mas btags par bya'o/ /ras ris la mchod pa rgya chen po byas te ras ris zhal nub tu phyogs par bzhugs nas srung ba'i cho ga byas pas rang gi lha rnams spyan drang par byas te/ mchod yon dang gdan phul nas pri yang
193a₅ ku'i me tog dang ba ser skya'i 'o mas sreg blugs bdun sbyin sreg gyis shig lha rnams tshim par byed pa byas nas slar yang lha de rnams mdun du pad+ma kha sbyor du ril bu bcug nas ji srid du du ba 'thul ba dang / dro bar byed pa dang / 'bar bar byed pa de srid du bzlas
193a₆ par bya'o/ /dro bzhin pa la ni thig le byas pa'i skye bo thams cad dga' bar 'gyur ro/ /du ba 'thul bzhin pa la ni mi snang bar 'gyur ro/ /rab tu 'bar bas thig le byas nas rig pa 'dzin pa drug gis yongs su bskor ba'i rig pa 'dzin pa'i bu mo rnams kyis
193a₇ lhan cig rtse bar byed do/ /gang gi tshe 'chi ba de'i tshe nor chen po'i khyim du skye bar 'gyur ro/ /skye ba dran par yang 'gyur ro/ /til gyi sbyin sreg gyis shig klu dbang du 'gyur ro/ /nya dang sha'i sbyin sreg gyis shig /dbang du 'gyur ro/ /mA la

_{iiif viewer powered by OpenSeadragon}

192b - 193b

Texts on this page