rKTs

e-texts navigator

Volume

Page

191a₁ sbyin sreg gyis shig / de nas rig pa 'dzin pas lha rnams tshim par byed pa byas ku sha'i khres la nye bar 'dug pas smon lam gdab par bya ste/ ji srid du sa rnam par 'gyur ba drug tu g.yo ba dang / mar me'i rtse mo 'phel ba dang / sprin las gu lu gu lu'i
191a₂ sgra sgrogs pa dang / me tog gi char rab tu 'bebs pa dang / tsan+dan gyi phye ma'i char 'bebs pa dang / dril bu'i sgra thos pa de srid du bzlas par bya'o/ /de nas rig pa 'dzin pas rings pa rings par bzlas par bya ste/ ji srid du rig pa'i rgyal po brtson 'grus chen pos pha rol gnon
191a₃ pa rta mgrin rig pa thams cad kyis sgrub pa sa la 'ong ba de srid du'o/ /de nas sgrub pa pos me tog dkar po dang / dri'i chus yongs su bkang ba'i snod kyis mchod yon phul nas smon lam gdab po/ /'di skad ces smras so/ /khyod legs par 'ongs so/ /'phags pa spyan
191a₄ ras gzigs dbang phyug pha rol tu phyin pa dang bcas pa'i ched du slar yang legs par 'ongs so/ /rta mgrin 'di ni brtson 'grus chen po stobs dang pha rol gnon pa rig pa'i tshogs thams cad kyis mchod pa'o/ /de nas rig pa 'dzin pas spyan ras gzigs dbang phyug la lan gsum
191a₅ bskor ba byas te pus mo btsugs nas 'di skad ces brjod par bya'o/ /khyod la snang bar gyur pa gang yin pa de rnams lhan cig 'tshal lo/ /de nas bcom ldan 'das 'phags pa spyan ras gzigs dbang phyug gis phyag g.yas pa sgrub pa po'i spyi bor nyug par mdzad de 'di skad ces
191a₆ gsungs so/ /skyes bu dam pa brtson 'grus chen po stobs dang pha rol gnon pa khyod kyis gang brtson 'grus chen pos pha rol gnon pas rig pa'i rgyal po bsgrub pa legs so legs so/ /khyod cag gis mngon par 'dod pa smros shig /mchog sbyin par bya'o/ /'di skad ces
191a₇ brjod par bya ste bcom ldan 'das bde ba can du 'gro bar 'tshal lo/ /de nas bcom ldan 'das 'phags pa 'od dpag med de dang / byang chub sems dpa' rnams dang / 'jig rten gyi khams su'o/ /de nas bcom ldan 'das 'phags pa spyan ras gzigs dbang phyug phyag g.yas

_{iiif viewer powered by OpenSeadragon}

190b - 191b

Texts on this page