rKTs

e-texts navigator

Volume

Page

190b₁ bsgyings pa zhes bya ba'i le'u rdzogs so/ / //de nas 'od dpag med mthong bar 'dod na kha tshar ma bcad cing skra dang bral ba'i ras la ri mo mkhan gso sbyong can gyis kha dog ma 'dres pa'i tshon gyis bde ba can gyi 'jig rten gyi khams su 'phags pa 'od dpag med gser
190b₂ ltar ser pa/ pad+ma la bzhugs pa 'drir gzhug par bya'o/ /'og tu chos kyi 'khor lo'i gzhogs g.yon du rta mgrin rgyal po zhal rnam par 'gyur ba 'jigs par byed pa gsus pa 'phyang ba pad+ma la bzhugs pa 'drir gzhug pa/ me dmar ser 'bar ba 'phro
190b₃ bzhin pa/ rin po che'i phreng ba'i mchod phyir thogs pa can/ lag 'gro'i rgyan gyis brgyan pa/ ral pa 'od dpag med 'dzin pa/ sor mos log par 'dren pa la sdigs par byed pa/ de'i rgyab nas log par 'dren pa 'bros par byed bzhin pa'o/ /g.yas
190b₄ kyi gzhogs su rnam par brgyan pa sbyangs pa'i snod dang / gos dang phyag g.yas pa sgrub pa po la dbugs 'byin par mdzad bzhin pa'i 'phags pa spyan ras gzigs dbang phyug gser ltar ser ba ral pa'i cod pan 'chang ba'i dbus su 'od dpag med mgo bos
190b₅ 'dzin par byed pa/ pha rol gnon pa'o/ /'od dpag med kyi steng gi sprin de la sprin gseb nas gnas gtsang ma me tog rab tu 'thor bzhin pa 'drir gzhug par bya'o/ /bcom ldan 'das kyi pad+ma de yang klu gzhon nu rnams kyis 'dzin pa'o/ /'og tu
190b₆ lag na spos phor thogs pa'i sgrub pa po pus mo gnyis btsugs pa 'od dpag med la rnam par lta bzhin pa'o/ /ri mo'i las yongs su rdzogs pa dang / sgrub pa pos gtor ma dang / mar me dang / mchod pa rgya chen po byas te zla ba nya la mtshan mo gsum
190b₇ du smyung bar gnas pas sbyangs pa'i snod dang gos 'di nyid kyis rig pa'i rgyal po rta mgrin bkug nas mchod yon phul te sgrub pa dang / slar yang gshegs su gsol te ba ser skya'i mar dang / pad+ma'i sa bon dang / nA ga ge sar rnams gcig tu byas nas/ nyi ma bdun du

_{iiif viewer powered by OpenSeadragon}

190a - 191a

Texts on this page