rKTs

e-texts navigator

Volume

Page

188a₁ brtson 'grus chen po skye ba dran pa'o/ /gnod sbyin mo'i le'u rdzogs so// //pad+ma'i mtshor song nas sgrub pa pos dpal mo 'ongs kyi bar sbyin sreg bya'o/ /ru rta dang / rgya spos dang / pad+ma'i sa bon dang / pad+ma'i ge sar dang / tsan+dan sbrang rtsis lhan
188a₂ cig btags par bya'o/ /gang la byin pa de dbang du 'gyur ro/ /rtsa ba'i sngags kyis me tog gi phreng ba la yongs su bzlas te gang la byin pa de dbang du 'gyur ro/ /de nas rtsal byed par 'dod pas rten cing 'brel par 'byung ba'i snying po can mchod rten ji srid du mchod rten phyi
188a₃ ma rab tu g.yo ba byed pa de srid du bya'o/ /de nas las kyi sgrib pa zad par byas nas mtshams med pa lnga byas pas kyang 'grub par 'gyur te/ rnam pa gzhan du ma yin no/ /de bzhin du byang chub sems dpa'i rnam par bsgyings pa'o/ /de nas 'phags pa spyan ras gzigs
188a₄ dbang phyug bsgrub par 'dod na/ kha tshar ma bcad pa'i ras skra dang bral ba la kha dog ma 'dres pa'i tshon gyis ri mo mkhan gso sbyong can gyis pir sar pas bcom ldan 'das 'phags pa spyan ras gzigs dbang phyug gser ltar ser ba ral pa 'phyang ba/ 'od
188a₅ dpag med dbu la 'dzin pa pha rol tu phyin pa thams cad kyis yongs su bskor ba 'drir gzhug par bya'o/ /'og tu sgrub pa po spos phor lag na thogs pas pus mo gnyis btsugs pa byang chub la nges par rtog bzhin pa'o/ /de nas rig pa 'dzin pas dkar po'i
188a₆ phyogs kyi tshes gcig nas brtsams te ras ris kyi spyan sngar nyi ma re re zhing rgyun mi 'chad pa'i mchod pa dang / gtor ma dang / mar me yang ji srid du zla ba nya ba'i bar du bya'o/ /zla ba nya la mchod pa rgya chen po dang / gtor ma dang / mar me yang byas nas smon lam btab
188a₇ par yang bya ste/ sangs rgyas dang byang chub sems dpa' thams cad la phyag bya ba byas nas mA la ti'i me tog gis yongs su bkang ba'i dri'i chu'i snod lag pa gnyis kas blangs nas pus mo gnyis btsugs te rtsa ba'i sngags lan bdun brjod nas rang gi lha rnams spyan

_{iiif viewer powered by OpenSeadragon}

187b - 188b

Texts on this page