rKTs

e-texts navigator

Volume

Page

185b₁ pos lan bcu gsum du smon lam btab pa byas nas bcom ldan 'das la dngos grub gsol bar bya'o/ /de nas byang chub sems dpa' spyan ras gzigs dbang phyug sgrub pa po'i spyi bor phyag g.yas pa reg par mdzad do/ /'di skad ces gsungs so/ /bu ci bya/ de nas mchod yon
185b₂ dang / me tog gi chun po phul nas pus mo gnyis btsugs te 'di skad ces brjod par bya'o/ /bcom ldan 'das rdo rje'i dngos grub bdag la stsol cig /khyed kyis phrin las brtson 'grus chen po dang / stobs chen pos rig pa 'dzin pa'i rgyal po rig pa 'dzin pa thams cad kyi mnga'
185b₃ bdag phyag na rdo rje dang 'dra ba'i lus su mdzod cig / de nas bcom ldan 'das kyis gsungs pa bu de rnams grub bo/ /rdo rje 'di ni brtson 'grus chen po'i stobs dang / pha rol gnon pa/ rig pa 'dzin pa'i rgyal po thogs pa med par 'gro ba mthu chen po phyag na rdo rje dang 'dra ba'i
185b₄ lus so/ /de nas rig 'dzin pas rdo rje blangs nas bcom ldan 'das la bskor ba byas te/ rig pa'i rgyal por 'gyur ro/ /rig pa 'dzin pa bye ba lngas yongs su bskor ba rig pa 'dzin pa'i bu mo rnams kyis lhan cig rol par byed pa/ gzugs bzang po rab tu mdzes
185b₅ pa/ mtshan thams cad yang dag par rdzogs pa/ bar gyi bskal par 'tsho bar byed do/ /gang gi tshe 'chi ba de'i tshe bram ze'i rigs su skye bar 'gyur ro/ /skye ba dran te 'di ni dngos grub bo/ /de nas mig sman sgrub par 'dod na nyi ma gung la dpa' bo'i rin gyis rna ba'i
185b₆ mig sman blangs nas ba ser skya'i 'o mas lan bdun du bkru bar byas nas ba ser skya'i ba byung lnga po de nyid kyi'o/ /de'i 'og de nas mig sman zangs kyi snod du byas nas btags par bya'o/ /de nas me nas bton te ras ris mchod pa rgya chen po dang / gtor ma byas nas mig sman
185b₇ khar bcug ste dkar po'i brgyad pa'am/ zla ba gzas bzung ba na mtshan mo gsum du smyung bar gnas pas ji srid dwo ba dang / du ba 'thul ba dang / 'bar bar byed pa de srid du bzlas par bya'o/ /dro bar gyur pas ni dbang du byed do/ /du ba 'thul bas ni mi snang ba'o/ /

_{iiif viewer powered by OpenSeadragon}

185a - 186a

Texts on this page