| e-texts navigator |
| བོད་ཡིག |
185a1 drang ba byas nas mchod yon yang dang yang phul te/ slar yang gshegs su gsol nas mar gyi sreg blugs sbyin sreg gyis shig /de nas rig pa 'dzin pas lag pa g.yas pas rdo rje thogs te ji srid 'bar ba dang / tsi Ti tsi Ti'i sgra sgrogs pa de srid du bzlas par
185a2 bya'o/ /de nas rig pa 'dzin pas rings pa nyid du bzlas par bya ste ji srid shar gyi phyogs su mthong ba spyan ras gzigs dbang phyug thugs rje chen po can byang chub sems dpa'i sgrol ba po pha rol tu phyin pa thams cad kyis yongs su bskor ba dang / rta mgrin rgyal po rig pa bye bas yongs
185a3 su bskor ba dang / 'phags pa khro gnyer can dang / sgrol ma dang / gos dkar mo dang / ri khrod lo ma can dang / byang chub sems dpa'i snying po re re la bye ba lnga rnams kyis yongs su bskor ba bcom ldan 'das kyi phyi bzhin rjes su 'brangs pas 'ong bar byed do/ /de nas
185a4 'phags pa spyan ras gzigs dbang phyug lha rnams kyis me tog gi char gyi char 'bebs pas mchod pa bya bzhin pa 'phags pa spyan ras gzigs dbang phyug ril ba spyi blugs dang dbyug gu'i shing bsnams pa/ g.yas pas sgrub pa po la dbugs 'byin par mdzad bzhin pa ston ka'i
185a5 sprin ltar dkar ba sbyangs pa'i snod dkar po nges par gnas pa/ g.yang gzhi nag po 'chang ba/ ral pa'i cod pan 'chang ba'i dbus na de bzhin gshegs pa 'od dpag med nyi ma ltar 'bar ba gser gyi srang bu'i mchod phyir thogs pa can sgrub pa po la rnga bo che'i sgra zab mo'i tshig
185a6 gis dbugs 'byin par mdzad bzhin pa'o/ /de nas sgrub pa pos byon cing byon pa rnams la mchod yon dang gdan phul te/ smon lam gdab pa byas nas rjes su brtse bas bcom ldan 'das la rjes su brtse ba nye bar blangs nas gsungs shig /sdig pa byed pa dang bsod
185a7 nams dang dngos grub gzhan pa la bcom ldan 'das thugs rje chen pos yongs su sems can thams cad byang chub sems dpa' chen po thugs rje chen po thugs rje chen po'i bdag nyid can gsungs shig / bdag gi sdig pa byas pa la nor gyi dngos grub dang / sgrub pa
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po