rKTs

e-texts navigator

Volume

Page

180a₁ dbang phyug gi rig pa dang / sngags kyi spyod pa'i thabs kyis sems can rnams yongs su spyod par byed do/ /ji 'dra ba'i sems can phyogs bcu rnams su tshad med cing grangs med pa rnams yongs su dag pa dang / yongs su ma dag pa'i sangs rgyas kyi zhing
180a₂ rnams su sgrib pa med pa'i ye shes kyi spyan gyis gzigs par 'gyur ro/ /bsam pa ji lta ba'i gzugs kyis rang dang ji lta bus gdul bar bya ba'i sems can rnams gnas la gsum pa phyir mi ldog pa la 'jog par byed do/ /ji srid sangs rgyas kyi gzugs kyis gang yang sems
180a₃ can gyi chags pa zil gyis mnan te rnam pa sna tshogs pa'i yo byad dang / yongs su longs spyod par 'dod pa de rnams kyi zhen pa spang ba'i ched du de rnams la yo byad rnams byin nas phyir mi ldog pa nyid la rab tu 'jog par byed do/ /nges par slar yang dam tshig des byang chub sems
180a₄ dpa' 'phags pa spyan ras gzigs dbang phyug gis thams cad dang ldan pa'i 'khor la smras pa/ rigs kyi bu khyed rnams brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha'
180a₅ lding dang / mi'am ci dang / lto 'phye chen po la sogs pa rnams yid kyis bshad pa la bdag rab tu spro ba chen po bgyid do/ /bdag rta mgrin zhes bya ba'i khro bo'i rgyal po chen po smras pa yang bcom ldan 'das dang phan tshun phan pa dang / 'jam pa'i sems su gyur cig /'di ni bdag
180a₆ gi gsang sngags 'bras bu chen po gzi brjid chen po las kyi don thams cad sgrub pa por 'gyur te/ yang 'dir na/ na mo rat+na tra yA ya/ na mo a mi tA b+hA ya/ ta thA ga tA ya/ ar+ha te samyak+saM bud d+hA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma
180a₇ hA kA ru Ni kA ya/ sarba satwA ya/ a nu kaM pa kA ya/ sar+b+ba satwA bya sa na g+hI te ni/ sarba satwA ma k+Sha ka rA ya/ sar+b+ba bIr+ya rA dza a d+hi b+hi krAM tA ya ma hA rA dzA prok+te/ 'di rnams la phyag byas nas 'phags pa spyan ras gzigs dbang phyug gi zhal nas gsungs pa sems can thams cad

_{iiif viewer powered by OpenSeadragon}

179b - 180b

Texts on this page