rKTs

e-texts navigator

Volume

Page

17a₁ snang ba zhes bya ba'i byang chub sems dpa'i ting nge 'dzin la snyoms par zhugs par gyur to/ /ting nge 'dzin gang la snyoms par zhugs pas sems can thams cad kyang skye ba brjes te stobs dang brtson 'grus dang mthu dang rnam par shes pa lnga dang ldan par
17a₂ gyur to/ /snyoms par zhugs pa de las dang mthu dang bcas par langs nas bcom ldan 'das gang na ba der nye bar song ngo / /nye bar song nas bcom ldan 'das kyi zhabs gnyis la mgo bos phyag 'tshal nas mtha' gcig tu 'dug go/ /de nas yang byang chub sems dpa'
17a₃ sems dpa' chen po phyag na rdo rjes bla gos phrag pa gcig tu gzar nas bcom ldan 'das gang na ba der thal mo sbyar nas phyag 'tshal te bcom ldan 'das la 'di skad ces gsol to/ /bcom ldan 'das rig pa 'ong ba'am 'gro bar ga la 'gyur/ de skad ces gsol pa dang /
17a₄ bcom ldan 'das kyis byang chub sems dpa' sems dpa' chen po phyag na rdo rje la 'di skad ces bka' stsal to/ /phyag na rdo rje gang khyod sems can rnams kyi don du 'di lta bu yongs su zhus pa legs so legs so/ /des na rigs kyi bu nyon cig dang bshad par bya'o/ /
17a₅ shar phyogs su sangs rgyas kyi zhing stong phrag brgyad cu rtsa bzhi phyin pa'i sangs rgyas kyi zhing na de bzhin gshegs pa dgra bcom pa yang dag par rdzogs pa'i sangs rgyas bcom ldan 'das mi 'khrugs pa zhes bya ba rang gi sangs rgyas kyi zhing du rig pa'i rgyal mo 'di nyid rab tu ston par gyur
17a₆ to/ /lho phyogs su de bzhin gshegs pa dgra bcom pa yang dag par rdzogs pa'i sangs rgyas bcom ldan 'das gser kun tu snang ba zhes bya ba de yang sgrol ma'i rig pa 'di nyid gsungs par gyur to/ /nub phyogs su de bzhin gshegs pa dgra bcom pa yang dag par rdzogs
17a₇ pa'i sangs rgyas bcom ldan 'das tshe dpag med ces bya ba des kyang rang gi sangs rgyas kyi zhing du rig pa 'di gsungs par gyur to/ /byang phyogs su de bzhin gshegs pa dgra bcom pa yang dag par rdzogs pa'i sangs rgyas bcom ldan 'das lus mdzes zhes bya ba de yang rig pa'i

_{iiif viewer powered by OpenSeadragon}

16b - 17b

Texts on this page