| e-texts navigator |
| བོད་ཡིག |
16b1 pa'i rgyal po chen po khro gnyer can zhes bya ba'i rig pa thams cad kyi rgyal mo bcom ldan 'das ma sgrol mas gsungs pa/ rig pa thams cad kyi mnga' bdag /dbang du gyur pa/ de bzhin gshegs pas gsungs pa/ gsol ba 'debs pa mngon par 'du byed pa nyid de
16b2 dang mthun par 'jigs pa chen po thams cad 'phrog pa dang / skems pa dang / gsod par byed pa/ rtog pa'i rgyal po 'dir las kyi cho ga bcom ldan 'das ma 'phags ma sgrol ma'i sgrub thabs kyi snga dro langs nas gtsang mar gyur pas shar la sogs par kun tu bltas te
16b3 lag mthil la yongs su bzlas nas nyi ma'i dkyil 'khor la yang kun tu bltas nas der lag mthil la bzlas par bya'o/ /bgegs thams cad rengs par 'gyur ro/ /gzhan yang gdug pa'i bsam pa rnams la de bzhin du yang nyi ma so sor byas na thams cad ring por mi
16b4 thogs pa kho nar thams cad zhi ba'i las 'grub par 'gyur ro/ /rgyas pa can yang nyi ma nub pa'i dus tshod la de nyid kyis las bya'o/ /mngon spyod can la mtshan phyed na gnas gcig tu gtsug phud dgrol zhing lan bdun brjod cing nam mkha'i mthil du bltas nas blo rtse
16b5 gcig tu bsgom par bya'o/ /de'i sems can mngon spyod can gyi las rnams 'grub par 'gyur ro/ /gang yang lha'i tshogs dang / 'byung po'i tshogs thams cad dang / log par 'dren pa'i tshogs rnams kyang 'di skad ces bdag gis gsungs pa'i rig pa'i
16b6 rgyal po gsang chen gsang ba'i sbyor ba byed par 'gyur ba de'i dngos grub gdon mi za bar 'gyur ba dang / bcom ldan 'das ma'i sgrub pa po dang sngags kyi rtog pa 'dir gsungs pa'i sgrub pa pos gdon mi za bar byed par 'gyur ro/ /'di ltar kun tu rtogs par bya'i gzhan
16b7 ma yin no zhes so/ /kye lha'i tshogs rnams rig pa chen po gang ma mo'i gsang chen gsang ba rnams nyon cig /de skyid par byed pa'i cho ga'i rig pa yang bshad par bya'o/ /de nas yang byang chub sems dpa' sems dpa' chen po spyan ras gzigs dbang phyug mtha' kun tu
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po