| e-texts navigator |
| བོད་ཡིག |
16a1 bzhugs nas 'di nyid kyis ji ltar 'byor pa'i mchod pa byas nas 'bum bzlas so/ /mthar nyin mtshan du smyung bar gnas pas mchod pa rgya chen po byas nas srod nas brtsams nas bzlas par bya/ nam mkha' las grub po zhes pa'i sgra thos par 'gyur te gang
16a2 du mchod pa der char lhung bar 'gyur ro/ /ma grub na yul rnyed do/ /de'i spyan sngar pa lA sha'i me la klu shing gi me tog mar la btags pa'i sbyin sreg 'bum byas na dngul 'bum rnyed do/ /dong tse brgya rnyed par 'gyur ro/ /bcom ldan 'das ma 'phags ma sgrol ma ral pa gyen
16a3 brdzes kyi rtsa ba'i rtog pa yangs pa dang ldan pa'i ting nge 'dzin las nges par skyes pa'i mi 'jigs pa sbyin pa zhes bya ba'i rig pa'i rgyal po chen po yongs su rdzogs so/ / //byang chub sems dpa'i sde snod phal po che theg pa chen po'i mdo sde bcom ldan 'das ma
16a4 'phags ma sgrol ma ral pa gyen brdzes kyi rtsa ba'i rtog pa las yangs pa dang ldan pa'i ting nge 'dzin las nges par skyes pa'i rig pa'i sngags rnams te le'u rab 'byam bcu gsum pa rdzogs so/ / //de nas byang chub sems dpa' sems dpa' chen po 'phags
16a5 pa spyan ras gzigs dbang phyug slar yang thams cad dang ldan pa'i 'jig rten gyi khams su byang chub sems dpa'i ting nge 'dzin dag pa'i yul rnam par 'phro zhing rnam par 'jig par byed pa zhes bya ba'i ting nge 'dzin la snyoms par zhugs so/ /snyoms par zhugs nas rtog
16a6 p a'i rgyal po chen po 'dir bcom ldan 'das ma 'phags ma sgrol ma bsgrub par bya ba'i don du bdag gis 'chad bzhin pa'i ched du lha thams cad kun tu 'gegs kyi bsam pa de bzhin gshegs pa nye bar 'pho bar 'gyur ba de la bdag gis sems can thams cad rab tu skrag par
16a7 byed pa la mi 'jigs pa rab tu sbyin pa bshad kyis/ kye lha'i tshogs rnams 'byung po'i tshogs thams cad dang / bgegs dang log par 'dren pa dang / gnod sbyin gyi dbang po thams cad dang / gang yang gzhan rig pa'i sde dpon rnams nyon cig /bdag gis rig
iiif viewer powered by OpenSeadragon
Texts on this page
D724 - ral pa gyen brdzes kyi rtog pa chen po